Туннэ - физкультурниклэн нуналэз

Та праздникез пусъё август толэзьлэн кыкетӥ субботаяз. Туннэ ваньмаз сямен ёросъёсын мугор кыдатонлы сӥзем ужрадъёс ортчо. Праздникен шаерамы улӥсьёсты ӟечкылаз Удмурт Элькунысь Кун Кенешлэн Тӧроезлэн воштӥсез, мугорез кыдатонъя, спортъя но егитъёсын ужан политикая ялан ужась комиссилэн кивалтӥсез Иван Черезов. Спортэз яратӥсьёслы со выль вормонъёс сӥзиз.
Туннэ Ижысь «Динамо» стадионын спортъя бадӟым праздник радъямын. Та ужрад сӥземын «Динамо» огазеяськонлы но Волейболлэн кылдэмзы дырысен 100 ар тырмонзылы.
Физкультурниклэсь нуналзэ татын нырысь ик усьтӥзы пыдын бызьылӥсьёс но скандинав амалъя вамышъясьёс. Ваньзы 10 мурт, соос 5 часын стартэ потӥзы но стадионэтӥ быдэн 100 круг ортчизы.