Владимир Невоструев: Выль законъёс экономикаез азинтыны юрттозы
28.06.2023
27-тӥ июне Кун Кенешлэн 8-тӥ сессиез ортчиз. 7-тӥ созывлэн 2022-тӥ-2023-тӥ аръёсы ужамезлы йылпумъянъёс лэсьтэмын, выль законъёс кутэмын.
Улон ялан выль куронъёс пуктэ. Соосты чакласа экономикаез ӝутон, промышленностез утён, калыклы юрттон вылысь депутатъёс выль законъёс кутӥзы. 7-тӥ созыве быръем депутатъёс 107 закон юнматӥзы ни.
«Выль законъёс пӧлысь уноез экономикамес азинтыны юрттозы, — сессиын пусйиз Кун Кенешлэн Тӧроез Владимир Невоструев. — Кылсярысь, Удмуртие выльысь берытскем ужбергатӥсьёслы, озьы ик палэнысь предприятиосты асьме шаерамы пусъемъёслы выт тыронэз капчиятӥм. Лыдпусэз 1-5 процентозь уськытыса, ужбергатӥсьёслы азинскыны льготаос чакласа, бюджетэ тросгес коньдон пыртыны луэ. Озьы 2020-тӥ арысен ог 4 сюрс ужбергатӥсьёс бюджетэ 4 миллиард манет тыр выт тыризы. Со сяна, пичи гуртъёсын магазин возисьёсты ваньбур понна выт тыронлэсь мозмытӥмы. Гуртоослэсь улонзэс капчиятон вылысь сюрес фондысь коньдонэн табере техника басьтыны луоз.
Депутатъёс бадӟым саклык висъязы специальной военной операцие пыриськисьёслы. Кылсярысь, табере соос быгато коркаосазы газ кыскемзы понна компенсация басьтыны. Россилэн Героез нимын, орденэн пусъемъёслы пуктӥськон вылысь дунтэк музъем люкылозы. Сое басьтон понна ёрос администрациосы черодэ султоно.
Владимир Невоструев пусъемъя, депутатъёс шуге-леке вуэм семьяослэсь но улон-вылонзэс капчиятон сярысь сюлмаськизы. Озьы студент семьяослы нылпизы вордскем бере 100 сюрс манет огпол сётъяны ӧдъязы. Квартиралы черодэ султэм сиротаослы улон сэрег басьтыны сертификат сётиське. Кам выж вамен солань-талань ветлон Камбарка ёросын улӥсьёс понна дуно усе шуыса, арлыдоослы, секытэн нылкышноослы, нылпиё семьяослы, инвалидъёслы больницае ветлэмзы понна компенсация тыриськоз.
Азьланяз чакламын «наливайкаосын» золгес нюръяськыны. Кузётэк кылем куашкась коркаос гуртъёслэсь туссэс быдто, соосты утялтон пумысен законлэсь проектсэ кылдытыны малпамын.
Улон ялан выль куронъёс пуктэ. Соосты чакласа экономикаез ӝутон, промышленностез утён, калыклы юрттон вылысь депутатъёс выль законъёс кутӥзы. 7-тӥ созыве быръем депутатъёс 107 закон юнматӥзы ни.
«Выль законъёс пӧлысь уноез экономикамес азинтыны юрттозы, — сессиын пусйиз Кун Кенешлэн Тӧроез Владимир Невоструев. — Кылсярысь, Удмуртие выльысь берытскем ужбергатӥсьёслы, озьы ик палэнысь предприятиосты асьме шаерамы пусъемъёслы выт тыронэз капчиятӥм. Лыдпусэз 1-5 процентозь уськытыса, ужбергатӥсьёслы азинскыны льготаос чакласа, бюджетэ тросгес коньдон пыртыны луэ. Озьы 2020-тӥ арысен ог 4 сюрс ужбергатӥсьёс бюджетэ 4 миллиард манет тыр выт тыризы. Со сяна, пичи гуртъёсын магазин возисьёсты ваньбур понна выт тыронлэсь мозмытӥмы. Гуртоослэсь улонзэс капчиятон вылысь сюрес фондысь коньдонэн табере техника басьтыны луоз.
Депутатъёс бадӟым саклык висъязы специальной военной операцие пыриськисьёслы. Кылсярысь, табере соос быгато коркаосазы газ кыскемзы понна компенсация басьтыны. Россилэн Героез нимын, орденэн пусъемъёслы пуктӥськон вылысь дунтэк музъем люкылозы. Сое басьтон понна ёрос администрациосы черодэ султоно.
Владимир Невоструев пусъемъя, депутатъёс шуге-леке вуэм семьяослэсь но улон-вылонзэс капчиятон сярысь сюлмаськизы. Озьы студент семьяослы нылпизы вордскем бере 100 сюрс манет огпол сётъяны ӧдъязы. Квартиралы черодэ султэм сиротаослы улон сэрег басьтыны сертификат сётиське. Кам выж вамен солань-талань ветлон Камбарка ёросын улӥсьёс понна дуно усе шуыса, арлыдоослы, секытэн нылкышноослы, нылпиё семьяослы, инвалидъёслы больницае ветлэмзы понна компенсация тыриськоз.
Азьланяз чакламын «наливайкаосын» золгес нюръяськыны. Кузётэк кылем куашкась коркаос гуртъёслэсь туссэс быдто, соосты утялтон пумысен законлэсь проектсэ кылдытыны малпамын.