Шаерамы вуылӥзы Запорожской улосысь нылпиос

5-тӥ – 11-тӥ классъёсын дышетскисьёс 5 нунал куспын вуылӥзы шаермылэн пӧртэм интыосаз. Берпуметӥ нуналъёсаз тодматскизы Ижен.
Соос вуылӥзы Ижысь М. Т. Калашников нимо, озьы ик Йӧскалык музейёсы, Ижысь зоопарке, Можга карысь шаертодонъя музее. Пумиськылӥзы Можга ёросысь Бадӟым Уча школаысь пиналъёсын, Пазял гуртын туристъёслы чаклам сюресэз ортчизы.Тодматскизы удмуртъёслэн сям-йылолъёсынызы, киужъёсынызы. Берпуметӥез инты вал Ижысь пинал лётчикъёслэн школазы: Запорожьеысь пиналъёс отын нимысьтыз полосаын кужымзэс мертазы.
Нылпиосты Удмуртиен тодматон ужрад ортчиз «Право быть женщиной» благотворительной фондлэн «Дети Донбасса» программаезъя. Сое радъяны юрттӥзы Кун Думае Удмуртилэсь быръем депутат Олег Гарин, Росси Федерацилэн сенаторез Юрий Федоров, элькунысьтымы Кун Кенешысь депутатъёс Алексей Малюк, Сергей Сидоров, Виктор Дьяков, Ижкар Думаысь депутатъёс Александр Головин но Андрей Зюзин, Можга городлэн но ёрослэн администрациоссы но мукетъёсыз.
Донбассысь пиналъёсты Удмуртиен тодматон ужрадъёсты ортчытыны чакламын азьланяз но.