Калык дружинникъёслы форма, удостоверение но нимысьтыз пус сётыны чакламын

Кун Кенеш дружинникъёслэсь ужзэс радъясь законэ воштонъёс пыртӥз. Депутатъёс шуизы: дружиннике тросгес мыно егитъёс. Соослэн нимысьтыз формазы луиз ке, асьсэдыз уката йӧн-йӧнгес шӧдозы. Нош калык соку ик адӟоз: таос кышкытлыклэсь утё.
Али дружинникъёс жилет гинэ дӥсяло. Но берло дыре ӵапак сыӵе ик жилетъёс нулло ни лэсьтӥськон, транспорт но мукет удысъёсын ужасьёс, озьы дружинникъёс мукетъёсызлэсь уг висъясько бере, калык соос шоры оскытэкгес учке.
Зэм, выль закон уг алы, дружинникъёс жилетъёсын гинэ но мед ветлоз шуыса. Выль форма дӥсялозы-а, уз-а — чаклалозы дружинникъёслэн штабъёсазы, муниципалитетъёсын. Угось талы коньдон висъяськоз муниципал кылдытэтъёслэн бюджетысьтызы яке элькун казнаысь висъяськись субсидиос чотын.