Камбарка ёросын куд-ог улӥсьёслы Кам шур вамен потан дунтэк луоз

Кун Кенешысь депутатъёс таин герӟаськем законэз юнматӥзы 25-тӥ мае ортчем сессиязы. Чакламын: выж вамен потон дун берыктӥськоз ёросысь эмъясьёслэн направлениенызы элькун больницаосы мынӥсьёслы. Таӵе правозы луоз:
— арлыдоослэн (60 арессэс тырмытэм воргоронъёслэн но 55 арессэс ортчем нылкышноослэн);
— инвалидъёслэн;
— быдэ вуымтэослэн;
— нуны вайыны дасяськисьёслэн;
— ужысь ветеранъёслэн;
— война вылтӥ 6 толэзьлэсь ятыр ужамъёслэн, репрессиос улэ шедьылэмъёслэн;
— ожысь ветеранъёслэн, спецоперацие пыриськемъёслэн.
Транспортъя но сюрес хозяйствоя министерстволэн лыдпусъёсызъя, 2022-тӥ арын ёрос больница элькун больницаосы 6 сюрс пала направлениос сётӥз вал.