Спецоперацие пыриськисьёслы келямын гуманитарной юрттэт

Спецоперацие пыриськисьёслы Удмуртия келяз гуманитарной юрттэт. Боевой задачазэс быдэстыны кулэ луись тӥрлыкез висъя Обороная министерство, нош шаермы юрттэ кулэ луись арбериосын. Соосты люкан радъямын "Сообщество" фонд пыр - отчы уксёзэс келяло ужбергатӥсьёс, предприятиос, нимаз адямиос. Та уже мыло-кыдо пырисько Кун Кенешысь депутатъёс но. Таяз радэ келямын пиломатериалъёс, дизелен ужась генераторъёс, "буржуйка" гуръёс, эмъюмъёс, дӥськут но сиён-юон но уно мукетыз.
Гуманитарной юрттэтэн ӵош келямын шаерамы потӥсь газетъёс. Соос люкамын "Газеты для наших" акция улсын.
"Сообщество" фондлэн кивалтӥсез Юлия Седова ивортэмъя, та дырлы боецъёсмылы келямын ни 600 тонналэсь ятыр гуманитарной юрттэт.