Владимир Невоструев: Удмуртиез азинтонъя Стратегия нырысь ик адямиос понна чакламын луыны кулэ
09.12.2020
Туннэ Кун Кенешлэн Президиумезлэн ёзчиосыз Удмуртиез 2030 арозь азинтонъя Стратегилэсь экономикая люкетсэ кылдытон ужпумез эскеризы. Кенешонэз нуиз Кун Кенешлэн Тӧроез Владимир Невоструев. Ужкагазлэн ӵектосэныз депутатъёсты тодматӥз Элькун Кивалтэтлэн Тӧроезлэн Нырысетӥ воштӥсезлэсь ужзэ быдэсъясь Константин Сунцов.
Ужкагаз бордын уж мытэмын вал 2019 арын. 2020 ар ӵоже ёросъёсын но каръёсын стратегияя сессиос мынӥзы. Экспертъёс экономикалэн пӧртэм ӧръёсызъя ӵектосъёс дасязы. Асьсэлэсь дэмланъёссэс вераны быгатӥзы шаерын улӥсьёс но. Со понна нимысьтыз сайт кылдытэмын вал. Гожтэтъёсты электрон почтая но келяны луиз.
Стратегилэн валтӥсь ужпуменыз Константин Сунцов адямиослэсь улон ӟечлыксэс ӝутонэз нимаз. Экономика люкет азе пуктӥськись ужпумъёс - адямиослэн табышсылэсь но уждунлэсь шоро-куспо быдӟалазэ ӝутон.
Со понна матысь 10 ар ӵоже 51 проектэз улонэ пыӵатыны чакламын. Соослэн огъя дунзы - 170 миллиард манет. Ӵектосъёс агропром огъетэз азинтыны, обработка удысын ужась предприятиосты кылдытыны, инфраструктураез, IT удысэз, лэсьтӥськонэз азинтыны юрттозы.
Константин Сунцовлэн верамезъя, матысь дас ар ӵоже бадӟым саклык висъяськоз шаерамы поттэм вузъёсты кунгож сьӧры вузанъя луонлыкъёсты усьтонлы, ожгар тӥрлык поттӥсь предприятиосын улонын кулэ луись вузъёс поттонэз радъянлы, промышленность удыслы ӧнерчиосты дасянлы. Инвестициосты кыскон понна, туала инфраструктура кылдытыны чакламын.
Стратегиез дасяку, депутатъёс адямиослэсь табышъёссэс сяна, соослэсь кулэяськонъёссэс но лыдэ басьтыны, озьы ик вузъёслы но юрттӥськетъёслы дунъёслэсь шаерамы вошъяськемзэс эскерыны куризы. Озьы ик тунсыкъяськизы агропром удысэз азинтонъя чакланъёсын.
Кун Кенешлэн Тӧроез Владимир Невоструев пусйиз, Кун Кенеш азьланяз но Стратегиез дасян уже пыриськоз шуыса. Та ужкагаз адямиос понна кылдытэмын но шаерамы улӥсьёс вылэ ужаны кулэ, сӥзиз парламентлэн Тӧроез.
Ужкагаз бордын уж мытэмын вал 2019 арын. 2020 ар ӵоже ёросъёсын но каръёсын стратегияя сессиос мынӥзы. Экспертъёс экономикалэн пӧртэм ӧръёсызъя ӵектосъёс дасязы. Асьсэлэсь дэмланъёссэс вераны быгатӥзы шаерын улӥсьёс но. Со понна нимысьтыз сайт кылдытэмын вал. Гожтэтъёсты электрон почтая но келяны луиз.
Стратегилэн валтӥсь ужпуменыз Константин Сунцов адямиослэсь улон ӟечлыксэс ӝутонэз нимаз. Экономика люкет азе пуктӥськись ужпумъёс - адямиослэн табышсылэсь но уждунлэсь шоро-куспо быдӟалазэ ӝутон.
Со понна матысь 10 ар ӵоже 51 проектэз улонэ пыӵатыны чакламын. Соослэн огъя дунзы - 170 миллиард манет. Ӵектосъёс агропром огъетэз азинтыны, обработка удысын ужась предприятиосты кылдытыны, инфраструктураез, IT удысэз, лэсьтӥськонэз азинтыны юрттозы.
Константин Сунцовлэн верамезъя, матысь дас ар ӵоже бадӟым саклык висъяськоз шаерамы поттэм вузъёсты кунгож сьӧры вузанъя луонлыкъёсты усьтонлы, ожгар тӥрлык поттӥсь предприятиосын улонын кулэ луись вузъёс поттонэз радъянлы, промышленность удыслы ӧнерчиосты дасянлы. Инвестициосты кыскон понна, туала инфраструктура кылдытыны чакламын.
Стратегиез дасяку, депутатъёс адямиослэсь табышъёссэс сяна, соослэсь кулэяськонъёссэс но лыдэ басьтыны, озьы ик вузъёслы но юрттӥськетъёслы дунъёслэсь шаерамы вошъяськемзэс эскерыны куризы. Озьы ик тунсыкъяськизы агропром удысэз азинтонъя чакланъёсын.
Кун Кенешлэн Тӧроез Владимир Невоструев пусйиз, Кун Кенеш азьланяз но Стратегиез дасян уже пыриськоз шуыса. Та ужкагаз адямиос понна кылдытэмын но шаерамы улӥсьёс вылэ ужаны кулэ, сӥзиз парламентлэн Тӧроез.