Александр Прозоров Н. К. Крупская нимо лыдӟиськоннилэсь ваньбурен инъетсэ юнматыны юрттӥз

Удмуртиысь Кун Кенешлэн Тӧроезлэн воштӥсез Александр Прозоров Ижкарын улӥсьёслы приём ортчытӥз. Депутатлы Н. К. Крупская нимо лыдӟиськоннилэн ёзэныз кивалтӥсь Людмила Алексеева вазиськиз. Со ужъюртлы коньдонэн юрттэт куриз. Лыдӟиськоннилэн ёзэз «Культура» йӧскалык проект улсын радъяськись «Россиысь модельной библиотекаос» конкурслэн быръён люкетаз вормисе потӥз. Ӵектосэз быдэстон но лыдӟиськоннилэн ёзэзлэсь ваньбурен инъетсэ юнматон понна, Александр Прозоровлэн юрттэмезъя компьютер техника басьтэмын.
Депутат приёмзэ дистанционной амалэн кӧня ке нунал ӵоже нуэ ини. Уноез вазиськонъёс эмъюрттэт, мерлыко утет сётонэн, жилищно-коммунальной удысысь юрттӥськетъёсты басьтонэн герӟаськемын. Соосъя валэктонъёс но дэмланъёс сётъямын.
Со сяна, уже кутэмын округысь нылпи садъёслэн кивалтӥсьёссылэн выль арлы шудонъёс басьтыны куронъёссы.