Эскеризы Удмуртилэн 2021 но вуоно аръёслы чаклам коньдэтэз сярысь катӵектосэ тупатъянъёсты
02.12.2020Туннэ Кун Кенешлэн Тӧроезлэн воштӥсез Александр Прозоров кивалтэм улсын кунэз лэсьтонъя, интыысь аскивалтонъя но кышкыттэмлыкъя ялан ужась комиссилэн кенешонэз ортчиз.
Удмуртиысь коньдон ужпумъёсъя министрлэсь ужзэ быдэсъясь Вера Сухихлэн ивортэмезъя, 26 шуркынмонэ Росси Кун Дума куинетӥ, берпуметӥ, лыдӟемен Росси Федерацилэн 2021 но вуоно 2022-2023 аръёслы бюджетэз сярысь катэз кутӥз. Отын улосъёслы юрттэтлэн вуоно арлы быдӟалаез пусъемын. Удмуртие азьвыл чаклам 14 млрд 520 млн манет вӧзы ватсаса 10 млрд 12 млн манет федерал коньдон вуыны кулэ. Озьы Росси бюджетысь юрттэтлэн огъя быдӟалаез 24,5 млрд манетозь вуиз.
Со сяна, улосвыл коньдэтын кыкетӥ лыдӟонлы вытъёсъя тыронъёслэн но мувӧй продуктъёслы акцизъёслэн быдӟалазы тупатэмын. Соос чотын коньдэтын эшшо 552 млн манет пусъемын. Огъя вераса, вуоно арлы табышъёс 10,5 млрд манетлы будэтэмын.
Сомындалы ик йылоз бюджетлэн уже кутон люкетэз. Кыкетӥ лыдӟонлы элькун бюджетлэн табышъёсыз 76 млрд 499 млн манет луизы, уже кутон люкетэз - 76 млрд 522,7 млн манет. Дефицитлэн быдӟалаез - 24 млн манет.
Депутатъёс рос-прос эскеризы комиссилэн чаклано удысъёсызлы коньдон висъянэз. Коньдон ужпумъёсъя министрлэн воштӥсез вераз, кыкетӥ лыдӟонлы ивор вӧлмытон элькун ёзъёслы уксё будэтыны чакламын шуыса. Озьы ик уксё ватсаськоз архивъёсъя кун комитетлэсь «Доступная генеалогия» ӵектоссэ азьланьтыны. Со Удмуртиын улӥсьёслы архивысь ужкагазъёсты онлайн амалэн учкыны луонлык сётэ. Учкемын кышкытлыкъёслэсь утиськон ужрадъёслы уксё.
Депутатъёс саклык висъязы каттӥян учыръёсты алон, иворъёсты вӧлмытон ёзъёслы но спортъя клубъёслы юрттон ужрадъёслэсь кулэлыксэс. Огъя катӵектосэз умоен лыдъязы но 15 толсуре сессиын сое кутыны дэмлазы.
Удмуртиысь коньдон ужпумъёсъя министрлэсь ужзэ быдэсъясь Вера Сухихлэн ивортэмезъя, 26 шуркынмонэ Росси Кун Дума куинетӥ, берпуметӥ, лыдӟемен Росси Федерацилэн 2021 но вуоно 2022-2023 аръёслы бюджетэз сярысь катэз кутӥз. Отын улосъёслы юрттэтлэн вуоно арлы быдӟалаез пусъемын. Удмуртие азьвыл чаклам 14 млрд 520 млн манет вӧзы ватсаса 10 млрд 12 млн манет федерал коньдон вуыны кулэ. Озьы Росси бюджетысь юрттэтлэн огъя быдӟалаез 24,5 млрд манетозь вуиз.
Со сяна, улосвыл коньдэтын кыкетӥ лыдӟонлы вытъёсъя тыронъёслэн но мувӧй продуктъёслы акцизъёслэн быдӟалазы тупатэмын. Соос чотын коньдэтын эшшо 552 млн манет пусъемын. Огъя вераса, вуоно арлы табышъёс 10,5 млрд манетлы будэтэмын.
Сомындалы ик йылоз бюджетлэн уже кутон люкетэз. Кыкетӥ лыдӟонлы элькун бюджетлэн табышъёсыз 76 млрд 499 млн манет луизы, уже кутон люкетэз - 76 млрд 522,7 млн манет. Дефицитлэн быдӟалаез - 24 млн манет.
Депутатъёс рос-прос эскеризы комиссилэн чаклано удысъёсызлы коньдон висъянэз. Коньдон ужпумъёсъя министрлэн воштӥсез вераз, кыкетӥ лыдӟонлы ивор вӧлмытон элькун ёзъёслы уксё будэтыны чакламын шуыса. Озьы ик уксё ватсаськоз архивъёсъя кун комитетлэсь «Доступная генеалогия» ӵектоссэ азьланьтыны. Со Удмуртиын улӥсьёслы архивысь ужкагазъёсты онлайн амалэн учкыны луонлык сётэ. Учкемын кышкытлыкъёслэсь утиськон ужрадъёслы уксё.
Депутатъёс саклык висъязы каттӥян учыръёсты алон, иворъёсты вӧлмытон ёзъёслы но спортъя клубъёслы юрттон ужрадъёслэсь кулэлыксэс. Огъя катӵектосэз умоен лыдъязы но 15 толсуре сессиын сое кутыны дэмлазы.