Агропром огъетъя, музъем кусыпъёсъя, инкуазез уже кутонъя но утёнъя ӧрилэн кенешонэз ортчиз
02.12.2020Владимир Варламов кивалтэм улсын 1 толсуре видеоконференция амалэн агропром огъетъя, музъем кусыпъёсъя, инкуазез уже кутонъя но утёнъя ялан ужась комиссилэн кенешонэз ортчиз. Депутатъёс Элькунлэн 2021 но вуоно 2022 но 2023 аръёслы бюджетэз сярысь катӵектосэ кыкетӥ лыдӟонлы вуэм тупатъянъёсты эскеризы.
Кызьы вераз Удмуртиысь коньдон ужпумъёсъя министрлэсь ужзэ быдэсъясь Вера Сухих, 26 шуркынмонэ Росси Кун Дума куинетӥ, берпуметӥ, лыдӟемен Росси Федерацилэн 2021 но вуоно 2022-2023 аръёслы бюджетэз сярысь катэз кутӥз. Отын улосъёслы юрттэтлэн вуоно арлы быдӟалаез пусъемын. Озьы Удмуртие азьвыл чаклам 14 млрд 520 млн манет вӧзы ватсаса 10 млрд 12 млн манет федерал коньдон вуыны кулэ. Со сяна, улосвыл коньдэтын кыкетӥ лыдӟонлы вытъёсъя тыронъёслэн но мувӧй продуктъёслы акцизъёслэн быдӟалазы тупатэмын. Соос чотын коньдэтын эшшо 552 млн манет пусъемын. Огъя вераса, вуоно арлы табышъёс 10,5 млрд манетлы будэтэмын.
Сомындалы ик йылоз бюджетлэн уже кутон люкетэз. Ватсаса уксё висъяны чакламын йӧскалык проектъёс улсын федерал коньдэтэн валче быдэсъяно ужрадъёслы, соос пӧлын - покчи классъёсын дышетскись пиналъёсты пӧсь сиёнэн сюдон. Йылэтыны ӵекто пиналъёслэсь шутэтсконзэс радъяны, учебникъёсты басьтыны, лэсьтӥськонлы, эмъяськон удыслы, озьы ик коронавирус вӧлмонэн нюръяськон ужрадъёслы чаклам уксёез.
Озьы кыкетӥ лыдӟонлы элькун бюджетлэн табышъёсыз 76 млрд 499 млн манет, уже кутон люкетэз 76 млрд 522,7 млн манет луизы. Дефицитлэн быдӟалаез - 24 млн манет.
Комиссиысь депутатъёс саклык висъязы гурт ӧръёслы коньдон висъян ужпумъёслы. Вера Сухихлэн верамезъя, кыкетӥ лыдӟонлы бюджетын агропром огъетлы коньдонэз будэтыны чакламын. Озьы ик ӵектэмын выль ӧрез азинтыны кутскыны. Со - вӧё культураосты будэтон.
Инкуазь узырлыкъёсъя министерство пыр нюлэс возёслы юрттэтэз будэтыны чакламын. Коньдон висъяськоз нюлэсэз выльдон ужъёслы но тылпулэсь утиськон техника басьтыны. Озьы ик чакламтэ интыосы куям жуг-жагез утялтыны уксё учкемын.
Ветеринарияя управление пыр муниципалитетъёслы калгись пудо-животэз кутылон но возён ужрадъёсты быдэсъяны ватсаса коньдон сётозы.
Ялан ужась комиссия тупатъянъёсты умоен лыдъяз но 15 толсуре сессиын соос понна дурбасьтыны кенешиз.
Кызьы вераз Удмуртиысь коньдон ужпумъёсъя министрлэсь ужзэ быдэсъясь Вера Сухих, 26 шуркынмонэ Росси Кун Дума куинетӥ, берпуметӥ, лыдӟемен Росси Федерацилэн 2021 но вуоно 2022-2023 аръёслы бюджетэз сярысь катэз кутӥз. Отын улосъёслы юрттэтлэн вуоно арлы быдӟалаез пусъемын. Озьы Удмуртие азьвыл чаклам 14 млрд 520 млн манет вӧзы ватсаса 10 млрд 12 млн манет федерал коньдон вуыны кулэ. Со сяна, улосвыл коньдэтын кыкетӥ лыдӟонлы вытъёсъя тыронъёслэн но мувӧй продуктъёслы акцизъёслэн быдӟалазы тупатэмын. Соос чотын коньдэтын эшшо 552 млн манет пусъемын. Огъя вераса, вуоно арлы табышъёс 10,5 млрд манетлы будэтэмын.
Сомындалы ик йылоз бюджетлэн уже кутон люкетэз. Ватсаса уксё висъяны чакламын йӧскалык проектъёс улсын федерал коньдэтэн валче быдэсъяно ужрадъёслы, соос пӧлын - покчи классъёсын дышетскись пиналъёсты пӧсь сиёнэн сюдон. Йылэтыны ӵекто пиналъёслэсь шутэтсконзэс радъяны, учебникъёсты басьтыны, лэсьтӥськонлы, эмъяськон удыслы, озьы ик коронавирус вӧлмонэн нюръяськон ужрадъёслы чаклам уксёез.
Озьы кыкетӥ лыдӟонлы элькун бюджетлэн табышъёсыз 76 млрд 499 млн манет, уже кутон люкетэз 76 млрд 522,7 млн манет луизы. Дефицитлэн быдӟалаез - 24 млн манет.
Комиссиысь депутатъёс саклык висъязы гурт ӧръёслы коньдон висъян ужпумъёслы. Вера Сухихлэн верамезъя, кыкетӥ лыдӟонлы бюджетын агропром огъетлы коньдонэз будэтыны чакламын. Озьы ик ӵектэмын выль ӧрез азинтыны кутскыны. Со - вӧё культураосты будэтон.
Инкуазь узырлыкъёсъя министерство пыр нюлэс возёслы юрттэтэз будэтыны чакламын. Коньдон висъяськоз нюлэсэз выльдон ужъёслы но тылпулэсь утиськон техника басьтыны. Озьы ик чакламтэ интыосы куям жуг-жагез утялтыны уксё учкемын.
Ветеринарияя управление пыр муниципалитетъёслы калгись пудо-животэз кутылон но возён ужрадъёсты быдэсъяны ватсаса коньдон сётозы.
Ялан ужась комиссия тупатъянъёсты умоен лыдъяз но 15 толсуре сессиын соос понна дурбасьтыны кенешиз.