Кун Кенешлэн кызь укмысэтӥ сессиезлэн ужанрадаз ватсаса ужпумъёс пыртэмын
23.11.2020Туннэ Владимир Невоструев видеоконференция амалэн Кун Кенешлэн Президиумезлэсь кенешонзэ ортчытӥз. Депутатъёс вуоно сессилэн ужанрадаз ватсаса 6 ужпум пыртӥзы. 3-ез со – элькун катъёслэн, 3-ез – пуктэтъёслэн ӵектосъёссы.
Кызь укмысэтӥ сессиын эскеремын луозы выт тыронъя катрадлыке воштонъёс пыртонъя ӵектосъёс. Капчиятонъёс сётыны чакламын кинопрокат но ваньмон дырез радъян удысын тыршись огазеяськонъёслы но культура но искусство удысысь ужъюртъёслы.
Нырысетӥ лыдӟемен эскеремын луозы Удмурт Элькунлэн 2021 но вуоно 2022 но 2023 аръёслы чаклам бюджетэз сярысь, озьы ик эмстрахованияя фондлэн коньдэтэз сярысь катӵектосъёс. Быдэсак кутэмын луыны кулэ праздник нуналъёс но буре ваён нуналъёс сярысь катӵектос. Со элькунамы 14 выль праздникъёсты но 19 буре ваён нуналъёсты юнматэ.
«Кивалтэт час» улсын депутатъёс «Цифровая экономика Российской Федерации» йӧскалык программалэсь шаерамы быдэсъяськемзэ но инкуазь узырлыкъёсъя но соосты утёнъя элькун Министерстволэсь нюлэс промышленностез азинтонъя ужамзэ эскерозы.
Тодады вайытом, элькун парламентлэн сессиез усьтӥськоз Ижкарын 24 шуркынмонэ 10.00 часын. Чакламъя, солэн кык кенешонэз луоз. Кыкетӥ кенешон ортчоз толсур толэзе. Отын элькунлэсь 2021 но вуоно 2022 но 2023 аръёслы бюджетсэ быдэсак кутыны кулэ.
Кызь укмысэтӥ сессиын эскеремын луозы выт тыронъя катрадлыке воштонъёс пыртонъя ӵектосъёс. Капчиятонъёс сётыны чакламын кинопрокат но ваньмон дырез радъян удысын тыршись огазеяськонъёслы но культура но искусство удысысь ужъюртъёслы.
Нырысетӥ лыдӟемен эскеремын луозы Удмурт Элькунлэн 2021 но вуоно 2022 но 2023 аръёслы чаклам бюджетэз сярысь, озьы ик эмстрахованияя фондлэн коньдэтэз сярысь катӵектосъёс. Быдэсак кутэмын луыны кулэ праздник нуналъёс но буре ваён нуналъёс сярысь катӵектос. Со элькунамы 14 выль праздникъёсты но 19 буре ваён нуналъёсты юнматэ.
«Кивалтэт час» улсын депутатъёс «Цифровая экономика Российской Федерации» йӧскалык программалэсь шаерамы быдэсъяськемзэ но инкуазь узырлыкъёсъя но соосты утёнъя элькун Министерстволэсь нюлэс промышленностез азинтонъя ужамзэ эскерозы.
Тодады вайытом, элькун парламентлэн сессиез усьтӥськоз Ижкарын 24 шуркынмонэ 10.00 часын. Чакламъя, солэн кык кенешонэз луоз. Кыкетӥ кенешон ортчоз толсур толэзе. Отын элькунлэсь 2021 но вуоно 2022 но 2023 аръёслы бюджетсэ быдэсак кутыны кулэ.