Кун Кенешлэн сессияз 13 катӵектос эскеремын луоз

Туннэ Владимир Невоструев дистант амалэн Кун Кенешлэн Президиумезлэсь кенешонзэ ортчытӥз. Депутатъёс элькун парламентлэн 2020 арын 27 коньывуонэ ортчоно кызь тямысэтӥ сессиезлэн ужанрадаз воштонъёс пыртӥзы. Отчы 11 ужпум ватсамын. Озьы, ӵуказе сессиын 22 ужпум сэрттэмын-пертчемын луоз. 13-ез со пӧлысь – элькун катъёслэн ӵектосъёссы.
Сессиын эскеремын луозы Удмурт Элькунлэн 2020 арлы но вуоно 2021 но 2022 аръёслы коньдэтаз воштонъёс. Отын выль коронавирус инфекциен нюръяськыны ватсаса коньдон чакламын луоз. Со ужрадъёслы 960,5 млн. манет висъяны кулэ.
Сессилэн ужанрадлыказ озьы ик пыртэмын «кивалтэт час». Со улсын «Дышетон» йӧскалык проектлэн Удмуртиын быдэсъяськемез сярысь вераськон мыноз.