Эскеремын элькунлэн 2020 арлы коньдэтэз сярысь катэ воштонъёс
21.10.2020Бюджетъя, вытъёсъя но коньдонъя ялан ужась ӧрилэн кенешоназ 20 коньывуонэ элькунлэн бюджетэз сярысь катэ воштонъёс эскеремын. Вераськонэз видеконференция амалэн нуиз комиссилэн кивалтӥсезлэн воштӥсез Владимир Паршин.
Кызьы вераз коньдон ужпумъёсъя министр Станислав Евдокимов, коньдэтэ воштонъёсы пыртыны кулэлык кылдӥз коронавирус вӧлмонэн нюръяськон понна. Со ужрадъёслы 960,5 млн. манет висъяны чакламын. Уксё эмъяськонниосын ватсаса койка интыос лэсьтыны, эмъюмъёс басьтыны, эмъясьёсты сюдонэз но кунокуаосын возёнэз, ПЦР-лабораториослэсь ужзэс радъяны кутӥськоз.
Министрлэн верамезъя, воштонъёсын министерствоослэн куронъёссыя но коньдон висъян чакламын. Одӥгез со покчи классъёсын дышетскисьёсты школа столовойёсын дунтэк пӧсь сиёнэн сюдонэн герӟаськемын. Федерациысь та мугъёслы вуэм коньдонэз дотаци чотын каръёслэн но ёросъёслэн бюджетъёсазы ыстыны кулэ луоз, ивортӥз коньдон ужпумъёсъя министр.
Воштонъёсты лыдэ басьтыса, Удмурт Элькунлэн туэлы бюджетэзлэн табыш люкетэз 89 млрд. 363 млн. манет луоз. Уже кутӥськоз 102 млрд. 505 млн. манет. Дефицитлэн быдӟалаез - 13 млрд. 142 млн. манет луоз.
Коньдэт сярысь катэ пыртыны чаклам эшшо одӥгез воштон - кун облигаци замъёслэсь лимитсэс 10 арозь йылэтон. Бюджет сярысь катын та мугъёслы 5 млрд. манет пусъемын вал. Воштонъёсын та лыдпусэз 10 млрд. манетозь вуттыны ӵектэмын.
Кызьы вераз Станислав Евдокимов, облигаци коньдон азьвыл басьтэм коммерци кредитъёсты ворсаны кутӥськоз. Озьы кун пунэмъёсты возьыны коньдонлэн быдӟалаез кулэсмоз.
Верамын вал, ковид висёнэн нюръяськон вакытэ коньдэтлэсь дефицитсэ йылэтыны лэземын. Пандемиен нюръяськон ужрадъёслы Удмуртилэн 2020 арлы бюджетаз 6 млрд. 237 млн. чакламын. Сое лыдэ басьтытэк, дефицитлэн быдӟалаез 10,9% луэ. Со Бюджет кодекслэн куронъёсызлы тупа.
Бюджетъя, вытъёсъя но коньдонъя комиссиысь депутатъёс воштонъёсты умоен лыдъязы. Катӵектос Кун Кенешлэн 2020 арын 27 коньывуонэ ортчоно сессияз кык лыдӟемен эскеремын луоз.
Кызьы вераз коньдон ужпумъёсъя министр Станислав Евдокимов, коньдэтэ воштонъёсы пыртыны кулэлык кылдӥз коронавирус вӧлмонэн нюръяськон понна. Со ужрадъёслы 960,5 млн. манет висъяны чакламын. Уксё эмъяськонниосын ватсаса койка интыос лэсьтыны, эмъюмъёс басьтыны, эмъясьёсты сюдонэз но кунокуаосын возёнэз, ПЦР-лабораториослэсь ужзэс радъяны кутӥськоз.
Министрлэн верамезъя, воштонъёсын министерствоослэн куронъёссыя но коньдон висъян чакламын. Одӥгез со покчи классъёсын дышетскисьёсты школа столовойёсын дунтэк пӧсь сиёнэн сюдонэн герӟаськемын. Федерациысь та мугъёслы вуэм коньдонэз дотаци чотын каръёслэн но ёросъёслэн бюджетъёсазы ыстыны кулэ луоз, ивортӥз коньдон ужпумъёсъя министр.
Воштонъёсты лыдэ басьтыса, Удмурт Элькунлэн туэлы бюджетэзлэн табыш люкетэз 89 млрд. 363 млн. манет луоз. Уже кутӥськоз 102 млрд. 505 млн. манет. Дефицитлэн быдӟалаез - 13 млрд. 142 млн. манет луоз.
Коньдэт сярысь катэ пыртыны чаклам эшшо одӥгез воштон - кун облигаци замъёслэсь лимитсэс 10 арозь йылэтон. Бюджет сярысь катын та мугъёслы 5 млрд. манет пусъемын вал. Воштонъёсын та лыдпусэз 10 млрд. манетозь вуттыны ӵектэмын.
Кызьы вераз Станислав Евдокимов, облигаци коньдон азьвыл басьтэм коммерци кредитъёсты ворсаны кутӥськоз. Озьы кун пунэмъёсты возьыны коньдонлэн быдӟалаез кулэсмоз.
Верамын вал, ковид висёнэн нюръяськон вакытэ коньдэтлэсь дефицитсэ йылэтыны лэземын. Пандемиен нюръяськон ужрадъёслы Удмуртилэн 2020 арлы бюджетаз 6 млрд. 237 млн. чакламын. Сое лыдэ басьтытэк, дефицитлэн быдӟалаез 10,9% луэ. Со Бюджет кодекслэн куронъёсызлы тупа.
Бюджетъя, вытъёсъя но коньдонъя комиссиысь депутатъёс воштонъёсты умоен лыдъязы. Катӵектос Кун Кенешлэн 2020 арын 27 коньывуонэ ортчоно сессияз кык лыдӟемен эскеремын луоз.