Ижкарын кун но муниципал эскерон-чаклан удысэз катрадлыкен юнматон ужпумъёслы сӥзем паськытатэм кенешон ортчиз
16.09.2020Туннэ Ижкарын Федераци Кенешысь Регламентъя но парламент ужез радъянъя Комитетлэн но Федераци Кенешысь кун но муниципал эскерон-чаклан сӧзнэтэз умоятон ужпумъёсъя комиссилэн огъя кенешонзы ортчиз. Вераськонэз нуиз Федераци Кенешысь Комитетлэн тӧроез Вячеслав Тимченко. Ужрадэ пыриськизы Удмуртиысь Кун Кенешлэн Тӧроез Владимир Невоструев, Элькун Кивалтэтлэн Тӧроез Ярослав Семёнов, министерствоослэн но ведомствоослэн кивалтӥсьёссы, Приволжск федерал округе пырись 13 улосвылъёсысь кивалтон ёзъёсын ужасьёс.
Кызьы вераз Вячеслав Тимченко, 2020 арын пӧсьтолэзе кун но муниципал эскерон-чаклан ужез радъясь выль катъёс кутэмын. Соос эскерон ужрадъёслэсь валтӥсь ужпумзэс вошто: кылкутытон но штрафъёс юнматъян интые каттӥянъёсты алыны юртто, ужбергатонлы азинскыны луонлыкъёс кылдыто.
Удмуртиысь Кун Кенешлэн Тӧроез Владимир Невоструев верамъя, туннэ Удмуртия Россиысь 10 улосъёс пӧлын пилотной проектэз быдэсъянэ пыриське. Соя кун эскеронэз нуон понна одӥг кылкутӥсь кун ёзэс кылдытӥське. Кун Кенешын озьы ик нимысьтыз ужась группа кылдытэмын. «Милям ужпуммы - кун ласянь эскерон-чакланъя ужась валамон но огшоры сӧзнэт кылдытыны. Выль федерал кат солы луонлыкъёс сётэ», - шуиз Владимир Невоструев.
Кылем арын Кун Кенеш Удмуртилэн Федерал Собраниын радъям нуналъёсыз дыръя бюджет, автономной но казённой ужъюртъёсты эскеронэз радъянъя ӵектонъёссэ шараяз. Владимир Невоструев умоен пусйиз алон ужрадъёсты валтӥсь интые поттонэз, эскерись ёзъёслы ивортонъёсты госуслуги портал пыр сётъяны но эскеронъёсты дистанционной амалэн ортчытъяны луонлыкез.
Федераци Кенешлэн ёзчиосыз Удмуртиын нуиськись ужлы умой дунъет сётӥзы. Оскытӥзы, туннэ кенешонын чузъяськем вань ӵектонъёс эскеремын но уже кутэмын луозы шуыса.
Кызьы вераз Вячеслав Тимченко, 2020 арын пӧсьтолэзе кун но муниципал эскерон-чаклан ужез радъясь выль катъёс кутэмын. Соос эскерон ужрадъёслэсь валтӥсь ужпумзэс вошто: кылкутытон но штрафъёс юнматъян интые каттӥянъёсты алыны юртто, ужбергатонлы азинскыны луонлыкъёс кылдыто.
Удмуртиысь Кун Кенешлэн Тӧроез Владимир Невоструев верамъя, туннэ Удмуртия Россиысь 10 улосъёс пӧлын пилотной проектэз быдэсъянэ пыриське. Соя кун эскеронэз нуон понна одӥг кылкутӥсь кун ёзэс кылдытӥське. Кун Кенешын озьы ик нимысьтыз ужась группа кылдытэмын. «Милям ужпуммы - кун ласянь эскерон-чакланъя ужась валамон но огшоры сӧзнэт кылдытыны. Выль федерал кат солы луонлыкъёс сётэ», - шуиз Владимир Невоструев.
Кылем арын Кун Кенеш Удмуртилэн Федерал Собраниын радъям нуналъёсыз дыръя бюджет, автономной но казённой ужъюртъёсты эскеронэз радъянъя ӵектонъёссэ шараяз. Владимир Невоструев умоен пусйиз алон ужрадъёсты валтӥсь интые поттонэз, эскерись ёзъёслы ивортонъёсты госуслуги портал пыр сётъяны но эскеронъёсты дистанционной амалэн ортчытъяны луонлыкез.
Федераци Кенешлэн ёзчиосыз Удмуртиын нуиськись ужлы умой дунъет сётӥзы. Оскытӥзы, туннэ кенешонын чузъяськем вань ӵектонъёс эскеремын но уже кутэмын луозы шуыса.