Кун Кенешлэн Президиумезлэн ёзчиосыз коронавирусэн нюръяськон ужпумъёсты эскеризы
30.04.2020
29 оштолэзе Владимир Невоструев Кун Кенешлэн Президиумезлэсь кенешонзэ ортчытӥз. Вераськон мынӥз видеоконференция амалэн. Депутатъёс коронавируслэсь вӧлмонзэ алон ужрадъёслэсь быдэсъяськемзэс эскеризы.
Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова тодэ вайытӥз, 2020 арын 18 южтолэзе Удмуртилэн Тӧроез выль черлэсь вӧлмонзэ алон ужрадъёс сярысь Указ поттӥз. 31 южтолэзьысен шаерамы висъяськыса улон режим ялэмын, 25 оштолэзьысен мукет улосъёсысь вуэм вань муртъёслы одно ик висъяськыса улонъя курон пуктэмын.
Али Удмуртиын черлам адямиосын пумиськылэм муртъёсты шараянъя уж мынэ. Эмъяськонниосты висисьёсты пумитаны дасяло, арлыдо но ветлыны шугъяськись адямиослы волонтёр юрттэт сётон радъяське. Калык интыосты, огазеяськонъёсты, улон корка котыръёсты, транспортэз чылкытатон уж нуиське.
Та дыре валтӥсез – висёнлы аляны луонлыкъёсты алон. 24 оштолэзьысен «Металлург» санаторийын обсерватор усьтэмын. Отын эпидемиологи ласянь кышкытлыко улосвылъёсысь вуэм муртъёсты возё. Удмуртилэн Тӧроеныз кенешон бере, сыӵе ик обсерватор усьтыны косэмын элькунлэн уйпалаз, Глазов кар котырын но.
Коронавирусэн черламъёслы 5 эмъяськонниосын 935 койка чакламын. Тазалыкез утёнъя Министерстволэн юнматэм куронъёсызлэсь со 184 интылы тросгес. Висисьёсын ужась эмчиос нимысьтыз дышетскон пыр ортчо. Через вӧлмытонтэм понна, соосты огдырлы улыны Ижкарысь кунокуаосы интыяло.
Май праздник нуналъёсы висёнэз алон ужрадъёслы Надежда Михайлова нимысьтыз саклык висъяны куриз. Кун Кенешысь ваньмыз депутатъёс та уже пыриськыны, вузкарон интыослэсь куронъёсты быдэсъямзэс чакланы кулэ, шуиз Кун Кенешлэн вице-спикерез.
Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова тодэ вайытӥз, 2020 арын 18 южтолэзе Удмуртилэн Тӧроез выль черлэсь вӧлмонзэ алон ужрадъёс сярысь Указ поттӥз. 31 южтолэзьысен шаерамы висъяськыса улон режим ялэмын, 25 оштолэзьысен мукет улосъёсысь вуэм вань муртъёслы одно ик висъяськыса улонъя курон пуктэмын.
Али Удмуртиын черлам адямиосын пумиськылэм муртъёсты шараянъя уж мынэ. Эмъяськонниосты висисьёсты пумитаны дасяло, арлыдо но ветлыны шугъяськись адямиослы волонтёр юрттэт сётон радъяське. Калык интыосты, огазеяськонъёсты, улон корка котыръёсты, транспортэз чылкытатон уж нуиське.
Та дыре валтӥсез – висёнлы аляны луонлыкъёсты алон. 24 оштолэзьысен «Металлург» санаторийын обсерватор усьтэмын. Отын эпидемиологи ласянь кышкытлыко улосвылъёсысь вуэм муртъёсты возё. Удмуртилэн Тӧроеныз кенешон бере, сыӵе ик обсерватор усьтыны косэмын элькунлэн уйпалаз, Глазов кар котырын но.
Коронавирусэн черламъёслы 5 эмъяськонниосын 935 койка чакламын. Тазалыкез утёнъя Министерстволэн юнматэм куронъёсызлэсь со 184 интылы тросгес. Висисьёсын ужась эмчиос нимысьтыз дышетскон пыр ортчо. Через вӧлмытонтэм понна, соосты огдырлы улыны Ижкарысь кунокуаосы интыяло.
Май праздник нуналъёсы висёнэз алон ужрадъёслы Надежда Михайлова нимысьтыз саклык висъяны куриз. Кун Кенешысь ваньмыз депутатъёс та уже пыриськыны, вузкарон интыослэсь куронъёсты быдэсъямзэс чакланы кулэ, шуиз Кун Кенешлэн вице-спикерез.