Кун Кенешлэн матысь сессиез 16 оштолэзе ортчоз
09.04.2020
Кун Кенешлэн азьвыл чакламтэ кызь ньылетӥ сессиез усьтӥськоз 2020 арын 16 оштолэзе 11 часын Ижкарын. Со сярысь пуктӥз туннэ элькун парламентлэн Президиумез. Кенешонэз нуиз Кун Кенешлэн Тӧроезлэсь ужзэ быдэсъясь Владимир Невоструев. Сессиын пичи но шоръёзо ужбергатонлы ватсаса юрттэт сётон амалъёс эскеремын луозы.
Владимир Невоструевлэн верамезъя, нырысьёсыз пӧлын юрттэт сётыны чакламын ас вылазы ужась адямиослы. Эскериськозы выт тыронъя капчиятонъёс. Воштонъёс пыртыны чакламын огазеяськонъёслэн ваньбурзылы выт сярысь элькун катэ. Со сяна, эскеремын луоз Удмуртиын выт тыронъя нимысьтыз режим кылдытыны луонлык. «Налог на профессиональный доход» - озьы нимаське выль амал - ас вылазы ужась муртъёслы вытэз капчиятэм ставкая тырыны луонлык сётоз. Но со вылэ потыны кужмысь нокин но уз косы, пусйиз Тӧролэсь ужзэ быдэсъясь.
Кызьы вераз Владимир Невоструев, эпидемиологи югдурез лыдэ басьтыса, сессиос ортчытъян залэ депутатъёс но ивортон лэсьтӥсь адямиос гинэ ӧтемын луозы. Кенешонлэсь мынэмзэ Кун Кенешлэн сайтаз он-лайн амалэн чакланы луоз.
Владимир Невоструевлэн верамезъя, нырысьёсыз пӧлын юрттэт сётыны чакламын ас вылазы ужась адямиослы. Эскериськозы выт тыронъя капчиятонъёс. Воштонъёс пыртыны чакламын огазеяськонъёслэн ваньбурзылы выт сярысь элькун катэ. Со сяна, эскеремын луоз Удмуртиын выт тыронъя нимысьтыз режим кылдытыны луонлык. «Налог на профессиональный доход» - озьы нимаське выль амал - ас вылазы ужась муртъёслы вытэз капчиятэм ставкая тырыны луонлык сётоз. Но со вылэ потыны кужмысь нокин но уз косы, пусйиз Тӧролэсь ужзэ быдэсъясь.
Кызьы вераз Владимир Невоструев, эпидемиологи югдурез лыдэ басьтыса, сессиос ортчытъян залэ депутатъёс но ивортон лэсьтӥсь адямиос гинэ ӧтемын луозы. Кенешонлэсь мынэмзэ Кун Кенешлэн сайтаз он-лайн амалэн чакланы луоз.