Воткинскын пожарно-спасательной ёзъёсты дасянъя центр усьтӥзы

Воткинскын пожарно-спасательной ёзъёсты дасянъя центрез сиё-дано усьтӥзы. Ужрадэ пыриськизы Элькун Кивалтэтлэн Тӧроез Ярослав Семёнов, Кун Кенешлэн Тӧроезлэн Нырысетӥ воштӥсез, кышкыттэмлыкъя, Регламентъя но Кун Кенешлэсь ужзэ радъянъя ялан ужась комиссилэн кивалтӥсез Владимир Невоструев, Росси МЧС-лэн Удмурт Элькунъя Управлениезлэн кивалтӥсез, генерал-майор Пётр Фомин но мукет кивалтӥсьёс. Россиысь шимучыръёслэсь утиськонъя министерстволэн тылпуослэсь утиськонъя Валтӥсь управленизлэн кивалтӥсезлэн воштӥсез Владимир Дежкин пусйиз, удысын ужасьёс понна спорт валтӥсь интыын луэ. Со бордысь потэ пуктэм ужпумъёсты быдэстыны быгатон. Элькун парламентысь Нырысетӥ вице-спикер вераз, выль центр – егитъёслы тренировкаос ортчытъяны но дышетскыны луонлыкъёсты паськытатоз. Со озьы ик кадет движениез азинтыны юрттоз. Выль центр 4000 квадрат метръем юртэ интыяськемын. Отын пожарно-
спасательной спортъя, скалолазания, капчи атлетикая, нюръяськонъя, волейболъя но ӝӧквыл теннисъя ӵошатсконъёсты орчытъяны вань луонлыкъёс кылдытэмын. Та выллем центръёсын Россиысь котькудӥз ик улосвыл ушъяськыны уг быгаты на. Огъетэз лэсьтон ар ӵоже кыстӥськиз.