21, 22 но 25 шуркынмонэ Федераци Кенешын Удмурт Элькунлэн нуналъёсыз ортчозы
20.11.2019Россиысь Федерал Собранилэн Федераци Кенешаз 21, 22 но 25 шуркынмонэ Удмурт Элькунлэн нуналъёсыз ортчозы. Куинь нунал ӵоже отын шаермылэсь мерлык но экономика удысъёсъя азинскыны луонлыкъёссэ эскерозы. Сенаторъёсты Элькунэнымы тодматозы Удмуртилэн Тӧроез Александр Бречалов но Кун Кенешлэн Тӧроез Алексей Прасолов. Делегацие озьы ик пыро элькун парламентысь ялан ужась комиссиослэн кивалтӥсьёссы, Кивалтэтлэн ёзчиосыз, куд-ог муниципал кылдытэтъёслэн тӧрооссы.
Удмуртиысь кивалтӥсьёс 7 комитетъёслэн ужазы пыриськозы. Отын выт тырон но агропром удысэз азинтон ужпумъёс, коммунальной но мерлыко удысъёсысь лэчыт юанъёс эскериськозы. Вераськон мыноз ожтӥрлык лэсьтон огъетэз азинтон сярысь но.
Ужалоз Удмурт Элькунын поттэм ваньбурен адӟытон. Удмуртилэн нуналъёсызъя Федераци Кенешлэсь «Удмурт Элькунысь экономика но мерлык удысъёслы кун ласянь юрттэт сётон сярысь» пуктэтсэ юнматыны чакламын.
Удмуртиысь кивалтӥсьёс 7 комитетъёслэн ужазы пыриськозы. Отын выт тырон но агропром удысэз азинтон ужпумъёс, коммунальной но мерлыко удысъёсысь лэчыт юанъёс эскериськозы. Вераськон мыноз ожтӥрлык лэсьтон огъетэз азинтон сярысь но.
Ужалоз Удмурт Элькунын поттэм ваньбурен адӟытон. Удмуртилэн нуналъёсызъя Федераци Кенешлэсь «Удмурт Элькунысь экономика но мерлык удысъёслы кун ласянь юрттэт сётон сярысь» пуктэтсэ юнматыны чакламын.