Дэри черкогуртлы выль школа кулэ
31.10.2019
Туннэ «Единая Россия» партилэн Кун Думаысь фракциезлэн нырысетӥ воштӥсез Андрей Исаев но Удмуртиысь Кун Кенешлэн Тӧроезлэн нырысетӥ воштӥсез Владимир Невоструев Дэри огъя шоръёзо школае вуылӥзы. Та дыре отын 1659 пинал дышетске, нош школа 800 интылы гинэ чакламын. Дышетсконнилэн кивалтӥсезлэн Надежда Мокрушиналэн верамезъя, кык гардеробез дышетскон классъёс улэ тупатъяно луиз ини. Одӥгез учительской интыын психологлэн но логопедлэн кабинетсы усьтэмын.
«Таяз арын милям 71 классмы, соос пӧлысь 34-ез со – начальной ёзэтысь классъёс. Отын 806 пинал дышетске. Туэ парта сьӧры нырысьсэ пуксиз 222 пинал. Со – дас класс, - вераз директор. - Начальной школа мукет юртын интыяськемын. Ваньзэ-овӧлзэ школалэн туннэ 3 юртэз».
Дэри ёрослэн Тӧроез Константин Русинов верамъя, школа югдурез сэрттон пӧртэм амалъёсты эскере. Уже кутӥсько вань луонлыкъёс – урокъёс ортчо музейын, библиотекаын, актовой залын, культурая юртын. Чакламъёсъя, матысь дыре пиналъёслэн лыдзы эшшо йылоз на. Дэри черкогурт котыре семьяослы лэсьтӥськыны интыос висъямын. Отын 6 сюрслэсь ятыр выль улон коркаос пуктӥськозы. Школаын ужасьёс но анай-атайёс оско, черкогуртын кык школа луоз шуыса. Кун Думаысь депутат Андрей Исаев оскытӥз, Элькунлэн кивалтӥсьёсыныз та ужпумез ӝоггес сэртттон-пертчон сярысь кенешоз шуыса.
«Ми туннэ вераським ёрослэн тӧроеныз Константин Николаевичен (Русиновен). Матысь толэзьёсы кулэ луись ужкагазъёс дасямын, солы кун экспертиза лэсьтэмын луыны кулэ. Валче ужалом, выль школа пуктэмын мед луоз шуыса. Ужалом Россиысь дышетонъя министерствоен. Элькунлэн Тӧроеныз Александр Владимирович Бречаловен ӵош нюръяськом, 2020-2021 аръёсы та уж быдэстэмын мед луоз шуыса», - вераз Исаев.
Кун Думаысь депутат история но обществознания дышетӥсен, Россиысь дышетон удысысь дано ужасен Елена Васильевна Григорьеваен пумиськылӥз на. Андрей Исаев дышетӥсьлы тау кариз кема аръёс ӵоже пайдалыко ужамез понна.
Тодады вайытом, туэ выль школа усьтӥськиз Дэри ёросысь Совхозный гуртын. Югыт но вӧл-вӧл классъёсы дышетскыны 200-лэсь ятыр пиналъёс лыктӥзы. Али Постол гуртын выль школа пуктӥське.
«Таяз арын милям 71 классмы, соос пӧлысь 34-ез со – начальной ёзэтысь классъёс. Отын 806 пинал дышетске. Туэ парта сьӧры нырысьсэ пуксиз 222 пинал. Со – дас класс, - вераз директор. - Начальной школа мукет юртын интыяськемын. Ваньзэ-овӧлзэ школалэн туннэ 3 юртэз».
Дэри ёрослэн Тӧроез Константин Русинов верамъя, школа югдурез сэрттон пӧртэм амалъёсты эскере. Уже кутӥсько вань луонлыкъёс – урокъёс ортчо музейын, библиотекаын, актовой залын, культурая юртын. Чакламъёсъя, матысь дыре пиналъёслэн лыдзы эшшо йылоз на. Дэри черкогурт котыре семьяослы лэсьтӥськыны интыос висъямын. Отын 6 сюрслэсь ятыр выль улон коркаос пуктӥськозы. Школаын ужасьёс но анай-атайёс оско, черкогуртын кык школа луоз шуыса. Кун Думаысь депутат Андрей Исаев оскытӥз, Элькунлэн кивалтӥсьёсыныз та ужпумез ӝоггес сэртттон-пертчон сярысь кенешоз шуыса.
«Ми туннэ вераським ёрослэн тӧроеныз Константин Николаевичен (Русиновен). Матысь толэзьёсы кулэ луись ужкагазъёс дасямын, солы кун экспертиза лэсьтэмын луыны кулэ. Валче ужалом, выль школа пуктэмын мед луоз шуыса. Ужалом Россиысь дышетонъя министерствоен. Элькунлэн Тӧроеныз Александр Владимирович Бречаловен ӵош нюръяськом, 2020-2021 аръёсы та уж быдэстэмын мед луоз шуыса», - вераз Исаев.
Кун Думаысь депутат история но обществознания дышетӥсен, Россиысь дышетон удысысь дано ужасен Елена Васильевна Григорьеваен пумиськылӥз на. Андрей Исаев дышетӥсьлы тау кариз кема аръёс ӵоже пайдалыко ужамез понна.
Тодады вайытом, туэ выль школа усьтӥськиз Дэри ёросысь Совхозный гуртын. Югыт но вӧл-вӧл классъёсы дышетскыны 200-лэсь ятыр пиналъёс лыктӥзы. Али Постол гуртын выль школа пуктӥське.