Алексей Прасолов: 1-тӥ май – тулыслэн, тупаса улонлэн но ужлэн тодметсы

Туннэ, 1-тӥ мае, быдэс кунмы пусъе Тулыслэсь но Ужлэсь нуналзэс. Та праздник Россиын улӥсьёс понна огазеяськон, валче кариськон мылкыдъёсын тырмемын. Удмуртиысь калыклы ӟечкыланэн вазиськиз Кун Кенешлэн Тӧроез Алексей Прасолов.
«Нырысетӥ маез асьмеос котьку шумпотыса пумитаськом. Со тулыслэн но тупаса улонлэн тодметсы, ужась адямилы гажамез возьматон. Та праздник калыклэсь огазеяськемзэ но пусъе.
Ваньмыз, маин данъяське туннэ Удмуртия, со - промышленность, гурт, мерлык удысъёсын тыршисьёслэн кема аръёс ӵоже ужамзылэн емышсы. Шаерамы улӥсьёс ужаны быгато, пӧртэм удысъёсын вормонъёс басьто. Озьыен, Удмуртимы азьланяз но азинтӥськоз но пушъёз!» - верамын ӟечкыланын.
Парламентлэн Тӧроез шаерамы улӥсьёслы юн тазалык, ӟеч мылкыд но кутскем ужъёсын азинлык сӥзиз.