Элькунлэн Тӧроез «Удмурт Элькунын югдур сярысь» доклад лэсьтоз Кун Кенешлэн азьвыл чакламтэ сессияз 25 толсуре
18.12.2018
Кун Кенешлэсь азьвыл чакламтэ сессизэ люкан сярысь пуктэт туннэ юнматӥз парламентлэн Президиумез. Кенешонэз ортчытӥз солэн Тӧроез Алексей Прасолов. Азьвыл чакламтэ 10-ти сессия усьтӥськоз Ижкарын 2018 арын 25 толсуре 10 часын. Та ар понна берпуметӥяз люкаськонын парламентарийёс азьын вераськоз Элькунлэн Тӧроез Александр Бречалов. Со «Удмурт Элькунын югдур сярысь» докладэн тодматоз. Таӵе ивортон Кун Кенеш азьын арлы быдэ лэсьтӥське.
Туннэ ик Президиумлэн ёзчиосыз йылпумъянъёс лэсьтӥзы Кун Кенешлэн «Воткинск ёрос» муниципал кылдытэтын радъям нуналэзлы, юнматӥзы сессиос улсын «кивалтэт часъёсты» ортчытонъя чакланъёсты.
2019-тӥ арлэн нырысетӥ палараз эскероно ужпумъёс пӧлын – тазалыкез утён удысэз азинтон, жуг-жагез бичан, люкан но сое быдтон ужез радъян, «Цифровая экономика Российской Федерации» программалэн Удмурт Элькунын быдэсъяськемез но мукет.
Со сяна, кенешонын Кун Кенешлэн кат кылдытъянъя 2018-тӥ арлы планаз воштонъёс пыртэмын, Президиумлэн 2019-ти арлэн нырысетӥ паларезлы ужанрадлыкез юнматэмын.
Туннэ ик Президиумлэн ёзчиосыз йылпумъянъёс лэсьтӥзы Кун Кенешлэн «Воткинск ёрос» муниципал кылдытэтын радъям нуналэзлы, юнматӥзы сессиос улсын «кивалтэт часъёсты» ортчытонъя чакланъёсты.
2019-тӥ арлэн нырысетӥ палараз эскероно ужпумъёс пӧлын – тазалыкез утён удысэз азинтон, жуг-жагез бичан, люкан но сое быдтон ужез радъян, «Цифровая экономика Российской Федерации» программалэн Удмурт Элькунын быдэсъяськемез но мукет.
Со сяна, кенешонын Кун Кенешлэн кат кылдытъянъя 2018-тӥ арлы планаз воштонъёс пыртэмын, Президиумлэн 2019-ти арлэн нырысетӥ паларезлы ужанрадлыкез юнматэмын.