Удмуртиын этнокультураен герӟаськем нылпи лагерь кылдытыны чаклало
20.12.2018
«Ёлочка» лагерьлэн ужан программаосаз этнокультура но йӧскалык шӧм пыӵатон сярысь вераськон мынӥз Кун Кенешын ортчем кенешонын. Нуиз сое наукая, дышетонъя, культурая, йӧскалык но егитъёсын ужан политикая но спортъя комиссилэн тӧроез Татьяна Ишматова.
Кенешонэ пыриськизы дышетонъя но йӧскалык политикая министерствоосысь, лулчеберетъя кылёсбурез утёнъя агентствоысь ӧнерчиос, мерлыко огазеяськонъёслэн ёзчиоссы.
Лагерь сменаослэсь прораммаоссылэсь пуштроссэс выльдыны «Ёлочка» лагерьлэн администрациез ӵектӥзы. Солэн директорез Оксана Чудихкис верамъя, этнокультурая шӧм пыртон пиналъёслэсь шутэтсконзэс тунсыко но пайдаё кароз, портэм культураосын тодматыса, соослы гажан мылкыд пыӵатыны юрттоз.
«Ёлочка» лагерьын берло аръёсы удмурт егитъёслэн «Шунды» огазеяськонэнызы радъям пӧртэм сменаос ортчыло. «Шундыкаре» быгатӥсь удмурт нылпиос ветло, «Тулкым» сменае трос нылпиё но ёрмыса улӥсь семьяосысь пиналъёсты люкало. Йоскалык оръя ужан шутэтскисьёсты огазея но эшъяськытэ, удмурт асваланлыксэс будэтэ.
Оксана Чудихкислэн верамезъя, лагерьлэн вань программаосаз этнокультураен герӟаськем компонент пыртыны луоно. Шаермы понна со нырысетӥ вамыш луоз.
«Ёлочкаын» нимысьтыз удысъёслы сизем сменаос, дышетон семинаръёс, экскурсиос, шутэтскон ужрадъёс ортчытъяны чакламын. Отын пиналъёсты Удмуртиын улись калыкъёслэн культураосынызы, сям-йылолъёсынызы, историенызы тодматыны луоз. Со сяна, лагерьын семьяослы шутэтскон нуналъёсы ужась клубъёс радъямын луыны быгатозы.
Татьяна Ишматова но кенешонэ пыриськисьёс «Ёлочка» лагерьлэн администрациезлэсь ӵектонзэ умоен лыдъязы. Удмуртиын таӵеез ӧй вал на, шуиз Татьяна Ишматова. Ӵектосэз азинтон понна, пӧртэм ведомствоослы валче ужано луоз, пусйиз со.
Кенешонэ пыриськисьёс окылысь луизы, «Ёлочка» лагерьлы попечительской кенеш кылдытоно шуыса. Радъямын луоз лагерез азинтонъя бизнес-планэз быдэстон уж. Сое выльдон понна инвестициосты кысконо луоз. Со сяна, люкаськемъёс Удмуртилэн кунлык басьтэм дырысеныз 100 ар тырмонэз пусъёнъя радъясь комитетэ вазиськыны чаклало, та проектэз юбилей ужрадъёс пӧлы пыртыны курыса.
Кенешонэ пыриськизы дышетонъя но йӧскалык политикая министерствоосысь, лулчеберетъя кылёсбурез утёнъя агентствоысь ӧнерчиос, мерлыко огазеяськонъёслэн ёзчиоссы.
Лагерь сменаослэсь прораммаоссылэсь пуштроссэс выльдыны «Ёлочка» лагерьлэн администрациез ӵектӥзы. Солэн директорез Оксана Чудихкис верамъя, этнокультурая шӧм пыртон пиналъёслэсь шутэтсконзэс тунсыко но пайдаё кароз, портэм культураосын тодматыса, соослы гажан мылкыд пыӵатыны юрттоз.
«Ёлочка» лагерьын берло аръёсы удмурт егитъёслэн «Шунды» огазеяськонэнызы радъям пӧртэм сменаос ортчыло. «Шундыкаре» быгатӥсь удмурт нылпиос ветло, «Тулкым» сменае трос нылпиё но ёрмыса улӥсь семьяосысь пиналъёсты люкало. Йоскалык оръя ужан шутэтскисьёсты огазея но эшъяськытэ, удмурт асваланлыксэс будэтэ.
Оксана Чудихкислэн верамезъя, лагерьлэн вань программаосаз этнокультураен герӟаськем компонент пыртыны луоно. Шаермы понна со нырысетӥ вамыш луоз.
«Ёлочкаын» нимысьтыз удысъёслы сизем сменаос, дышетон семинаръёс, экскурсиос, шутэтскон ужрадъёс ортчытъяны чакламын. Отын пиналъёсты Удмуртиын улись калыкъёслэн культураосынызы, сям-йылолъёсынызы, историенызы тодматыны луоз. Со сяна, лагерьын семьяослы шутэтскон нуналъёсы ужась клубъёс радъямын луыны быгатозы.
Татьяна Ишматова но кенешонэ пыриськисьёс «Ёлочка» лагерьлэн администрациезлэсь ӵектонзэ умоен лыдъязы. Удмуртиын таӵеез ӧй вал на, шуиз Татьяна Ишматова. Ӵектосэз азинтон понна, пӧртэм ведомствоослы валче ужано луоз, пусйиз со.
Кенешонэ пыриськисьёс окылысь луизы, «Ёлочка» лагерьлы попечительской кенеш кылдытоно шуыса. Радъямын луоз лагерез азинтонъя бизнес-планэз быдэстон уж. Сое выльдон понна инвестициосты кысконо луоз. Со сяна, люкаськемъёс Удмуртилэн кунлык басьтэм дырысеныз 100 ар тырмонэз пусъёнъя радъясь комитетэ вазиськыны чаклало, та проектэз юбилей ужрадъёс пӧлы пыртыны курыса.