Удмуртия федерал бюджетысь тросгес уксё басьтоз
29.11.2018
Коньдон йӧскалык проектъёсты быдэсъяны мыноз. Та сярысь вераз Кун Думаысь депутат Андрей Исаев. Кылем арня вискын Росси парламент вуоно арлы федерал бюджетэз юнматӥз. Йӧскалык ӵектосъёсты регионъёсын улонэ пыӵатон понна 95 процентэз коньдон федерал бюджетысь висъяськоз. Улос коньдэтысь софинансирование 5 процентлэсь трос уз луы. Нош Удмуртиын солэсь но ичи луоз, пусйиз депутат. Федерал коньдэтысь субсидиос 6 миллиард манет пала, нош субвенциос ог 4 миллиард манет вуыны кулэ. Андрей Исаев озьы ик вераз 2021-тӥ арын шаерамы нылпиосты яслиосы интыянэн сюлмаськон быроз шуыса. Куинь ар ӵоже яслиос лэсьтыны кык миллиард манет пала уксё висъялозы. Озьы ик школаос лэсьтыны но «Земский доктор» программая коньдон лыктоз. Со арлы быдэ 50 врачъёсты кыдёкысь ёросъёсы уже интыяны луонлык сётоз, пусйиз депутат.