Быръёнъёсъя катрадлыке воштонъёс пыртыны чакламын

30.05.2017 Таяз арын куарусёнэ Кун Кенеше депутатъёсты но Удмуртилы Тӧроез быръёнъёсын открепительной удостоверениос но дырызлэсь вазь куара сётон уз луэ. Быръёнъёс сярысь элькун катрадлыке со пумысен тупатонъёсты эскеризы Наталья Кузнецова кивалтэм улсын кунэз лэсьтонъя но интыысь аскивалтонъя ялан ужась ӧрилэн кенешоназ.
Та тупатонъёс федерал катрадлыкъя пыртӥсько но Кун Кенешлэн матысь сессияз, 6-тӥ инвожое, эскеремын луозы. Депутатъёс катӵектосэз соку ик кык лыдӟемен кутыны дэмлазы.
Куарусёнэ быръёнъёсын калык куара сётыны быгатоз отын, кытын со вакытэ луоз (элькунлэн интывылаз). Со понна быръёнъёсъя ӧрие куриськон азьвыл ик сётыны кулэ. Каткылдытӥсь вазиськон дырез юнматэ: быръён нуналозь 45 нунал кылиз на ке, но тужгес берзэ — куара сётон нуналлэсь азьвыл кӧснуналэ 14 часозь. Озьы ик быръёнъёсъя ӧриын мукет интыын куара сётӥсьёслэсь лыдметсэс кылдытозы.
2017-тӥ арын куарусёнэ куара сётонъя огъя нуналэ Удмуртиын Кун Кенеше депутатъёсты но элькунлы тӧроез быръёнъёс ортчозы.