Удмурт Кенешлы- 25 ар
09.12.2016
Ижкарын Йӧскалык театрын «Удмурт Кенеш» огазеяськонлэн 25 ар тырмонэзлы сӥзем сӥё-дано ужрад ортчиз. Отчы Удмуртиысь вань ёросъёсысь но каръёсысь, озьы ик Башкортостанысь, Татарстанысь, Марий Элысь, Свердловск но Киров улосвылысь, Москваысь, Санкт-Петербургысь делегациос вуизы. Ӧтем куноос пӧлын улосвылысь, но Удмуртилэн шоркарысьтыз кивалтӥсьёс.
Люкаськем калыклы тау карон кылъёссэс, сӥзёнъёссэс Удмурт Элькунлэн Тӧроеныз Александр Соловьевен ӵош веразы Кун Кенешлэн Тӧроезлэн воштӥсез Софья Широбокова, йӧскалык политикая, мер кышкыттэмлыкъя, парламентлэсь ужзэ радъянъя ялан ужась ӧрилэн кивалтӥсез Энвиль Касимов, агропром огъетъя, музъем кусыпъёсъя, инкуазез утёнъя ялан ужась ӧрилэн кивалтӥсез Владимир Варламов, «Единая Россия» фракцилэн кивалтӥсез Алексей Прасолов.
Люкаськем калыкез шулдыртӥзы удмурт творчествоя коллективъёс.