Удмуртилы кун юрттэт сётон ужпумез эскерозы Федераци Кенешын
06.12.2016
Элькун парламентлэн Тӧроез Владимир Невоструев Федераци Кенешын Удмуртилы кун юрттэт сётон ужпумез эскеронэ пыриськоз. Федеративной устройствоя, улосвыл политикая, интыысь аскивалтонъя но Уйпаллэн ужъёсызъя комитетлэн кенешонэз 6-тӥ толсуре ортчоз. Кун Кенешлэн Тӧроез сяна, отчы пыриськозы Удмуртиысь коньдон ужпумъёсъя министр Станислав Евдокимов но экономикая министр Михаил Зайцев. Озьы ик, кенешонэ куд-ог федерал министерствоослэн ыстэм муртъёссы ӧтемын.
Кивалтэтлэн ёзчиосыз «Удмурт Элькунысь мер но экономика удысъёсты азинтыны кун юрттэт сётон сярысь» пуктэтэз быдэсъямез эскерозы, соя кӧня ке удысъёслы федерал юрттэт чакламын.
Тодады вайытом, улосвылысь мер юртъёсты лэсьтон но выльдон понна федерал коньдэтысь ватсаса уксё висъян сярысь пуктэтэз Федераци Кенешын 2015-тӥ арын 18-тӥ шуркынмонэ юнматӥзы.