Кун Кенешлэн Тӧроез Владимир Невоструев Удмуртиысь калык художникез Пётр Ёлкинэз 70 аресъем юбилееныз ӟечкылаз
08.06.2016
Юбилеезлы сӥзьыса, художниклэн бадӟым адӟытонэз усьтӥськиз Ижкарысь Суредан искусствоосъя музейын 7-тӥ инвожое. Кун Кенешлэн Тӧроез Владимир Невоструев ӟечкылаз Пётр Ёлкинэз но яркыт творчествоез понна тау кылъёссэ вераз. «Суредъёсты тырмемын кыӵе ке аспортэмлыко югытэн. Соос бордазы кыско асьсэлэн лулысь-сюлмысь, мур но мылкыдо луэменызы», - пусйиз Кун Кенешлэн Тӧроез.
Пётр Ёлкинлэн юбилейной адӟытоназ возьматэмын Вьетнамын, Индиын, Анголаын, Танзаниын, Америкаын но мукет шаеръёсын творческой командировкаосаз лэсьтэм ужъёсыз. Адӟытон Суредан искусствоосъя элькун музейын пӧсьтолэзь пумозь ужалоз.