Санкт-Петербургын азьланьтӥське Удмурт Элькунлэн арняез

Уйпал шоркарысь импортозамещения но локализацияя центрын ужаны кутскиз Удмуртилэн промышленность, гурт возёс, тазалыкез утён, туризм но мукет удысъёсъя луонлыкъёсыныз тодматӥсь адӟытон. Сое усьтон ужрадэ пыриськизы Удмурт Элькунлэн но Кун Кенешлэн тӧрооссы Александр Соловьёв но Владимир Невоструев, Санкт-Петербурглэн кивалтӥсьёсыз. Кызьы вераз адӟытонэз усьтонын Удмуртилэн Тӧроез Александр Соловьёв, Удмуртия дась валче ужанлы. Шаерамы инвесторъёс понна пӧртэм капчиятонъёс чакламын. Валче ужан луонлыкъёс эскеремын Санкт-Петербургысь тӧрлык но бизнес удысын ужасьёсын кенешонын. Нош нунал солэсь азьвыл Смольныйын Удмуртилэн но Санкт-Петербурглэн Кивалтэтъёссы куспын валче ужан сярысь огкыл гожтэмын. Уйпал шоркарлэн губернаторез Георгий Полтавченко пусйиз – Удмуртиын чылкыт но ческыт сиён-юон потто. Солы пӧртэм вузпӧръёсы вуыны паськыт сюресъёс усьтоно. Уйпал шоркар озьы ик дась пичи но шоро-куспо ужбергатонъя валче ужаны. Озьы ик луонлыкъёс вань туризм, культура удысъёсын огъя ӵектосъёс кылдытъяны. Удмуртилэн Санкт-Петербургын арняез кыстӥськоз 3-тӥ инвожоозь.