Туэ Удмуртиын нош ик Кун Кенешлэн Кубокез понна вал вылын ӵошатсконъёс ортчозы

Ижысь ипподромын туэ но радъяськоз Кун Кенешлэн кубокез понна вал вылын ворттылонъя вожвылъяськон — кылем арын со ортчиз нырысьсэ.Та ужрад пыртэмын Россиын туэ ортчоно ӵошатсконъёс пӧлы. Ипподромысь стадионэз эскерыны вуылӥз парламентлэн Тӧроез Владимир Невоструев. Ипподром кытӥ-отӥ тупатъямез кулэ каре. Тӧро кичӧлтонэн потӥз: ӵошатсконэз радъямлэсь азьло ипподромез утялтоно, куд-ог интыоссэ выльдоно. Та понна кыл кутӥсе юнматэмын Гурт удысъя, музъем кусыпъёсъя но инкуазез утёнъя ялан ужась комиссилэн кивалтӥсез Владимир Варламов. Ку радъяськоз ӵошатскон — тодмо ӧвӧл на. Кылем арын сямен ик, туэ но отчы пыриськозы элькунысьтымы но, бускель улосъёсысь но вал вылын ворттылыны яратӥсь пиналъёс.