Быдӟым Атыкай оже пыриськемъёсты сӥлы каризы

Туннэ, 6-тӥ куартолэзе, Удмуртилэн тӧроез Александр Соловьёв Быдӟым Атыкай ожысь ветеранъёс понна кун приём ортчытӥз. Вормон нуналэн ӟечкылан ужрадэ пыриськизы элькунысь Кун Кенешлэн тӧроез Владимир Невоструев, валтӥсь федерал инспектор Дмитрий Мусин, улосвыл тӧролэн но кивалтэтлэн администрацизылэн кивалтӥсез Андрей Гальцин, Ижкарлэн тӧроез Юрий Тюрин, элькунлэн дано кунмуртъёсыз, ожгар клубъёсысь но кадет классъёсысь курсантъёс.
«9-тӥ Куартолэзе кунамы Быдӟым Атыкай ожын быремъёслы синпелетъёс дорын калыклэсь зарезь ӧръяськоз. Ижкарысь Ялан ӝуась тыл доры, Удмуртиысь мукет каръёсысь но гуртъёсысь синпелетъёс доры та нуналъёсы пиналъёс но егитъёс лыктозы. Туж тулкымъяськоно, куке адӟиськод, кызьы воштӥсько ожысь геройёсмылы синпелетъёс дорын асьме пиналъёсмы, нылъёс но пиос, кызьы соос чалмо но арлыдоослэсь веранъёссэс сюлэмъёсазы пыӵато, макем гажаса учко ветеранъёс шоры. Оскисько, Ялан ӝуась тыл дорысь кошкыса, нунокъёсмы но правнукъёсмы пушказы солэсь тылгизьызэ нуо шуыса, со азьланяз сюрессэс югдытоз но Атыкай музъеммылэн зэмос патриотъёсыз луыны юрттоз», — вераз элькунлэн тӧроез.
Кун приёме Быдӟым Атыкай оже пыриськем но отын сӧсырмем 18 муртъёс лыктэмын вал.
Приём йылпумъяськиз Ижкарысь пинал артистъёслэн возьматонэнызы но ужрадэ пыриськемъёслы кузьымъёс сётъянэн.