Удмуртиысь Кун Кенешлэн сессиез Чернобыльын быремъёсты буре ваёнэн кутскиз

Удмуртиысь Кун Кенешлэн 24-тӥ сессиез, Владимир Невоструев кивалтэм улсын, кутскиз 1986-тӥ арын Чернобыльысь атом электростанциын пуштонэн сэрен быремъёсты буре ваёнэн. Шимучыр кылдэм дырысен 26-тӥ оштолэзе 30 ар тырме. Пуштонлэсь бервылъёссэ утялтонэ пыриськем 1 сюрс 600 пала адями туннэ элькунамы улэ.
Сессиын 22 ужпумъёсты эскерыны чакламын. Соос пӧлын муниципал ёросъёсын но кар округъёсын депутатъёсты быръёнъёс сярысь элькун катъёс.