Юрттоно, ӧвӧл вунэтоно

Кун Кенешлэн 23-тӥ сессиез ортчиз. Отын эскерем ужпумъёс пӧлысь куиньзэ дасяз Экономикаын политикая, промышленностья но инвестициосъя ялан ужась ӧри.
Ӧриен кивалтӥсьВалерий Бузилов верамъя, куинез ик со ужпумъёс туннэ нуналлы туж кулэ луо. Кылсярысь, Дэри ёрослэсь городлы матын луэмзэ одно лыдэ басьтоно, элдькун бюджетысь солы ватсаса коньдон чакланы кулэ. Угось ёросын ог 72 сюрс муртлэн регистрациез вань ке, гужемзэ татын улӥсьёслэн лыдзы 250 сюрсозь вуэ – ижъёс бакчаосазы но садъёсазы пото. Таослы но кулэ ву, ты, сюресъёс но мукетыз. Дэри ёрослы капчи уг йоты. «Ёрослы элькун бюджетысь арлы быдэ коньдон висъяськоз, огъя доходэзлэсь ог 0,3 процент пала», - шуиз Валерий Бузилов. Озьыен, 2016-тӥ арын со 140 миллион манет пала луоз. Та коньдон кошкоз ёросысь сюресъёсты волятонлы, школаосты, клубъёсты, нылпи садъёсты выльдонлы но мукет.
Озьы ик, Экономикаын политикая, промышленностья но инвестициосъя ялан ужась ӧри дэмламъя ик предприятиослы кун ласян юрттэт сётон паськытатэмын луоз. Эшшо 1 миллиард манет ватсамын лэсьтӥскон удыслы. Юртъёсты ӝутонэн вырись организациос азьын элькунмылэн 2,3 миллиард манет тыронъёсыз люкаськемын ни. Валерий Бузилов верамъя, та удысын кылдэм югдурысь потон амалъёс утчано