Удмурт кун университетысь студентъёс Кун Кенеше вуылӥзы
10.12.2015
Удмурт Элькун кунлык басьтэм дырысен 95 ар тырмонлы сӥзьыса, Удмурт Кун университетысь студентъёс Кун Кенеше люкаськылӥзы. Ужрадэз Элькун парламентысь наукая, дышетонъя, культурая но егитъёсын ужан политикая ялан ужась ӧрилэн кивалтӥсез Наталья Сударикова нуиз.
Кун Кенешлэн Тӧроез Владимир Невоструев 2015-тӥ арлэсь узыр луэмзэ пусйиз: туэ Пётр Ильич Чайковскийлэн вордскем дырысеныз 175 ар тырмиз, 70 ар ортчиз Быдзым Атыкай ожын вормон дырысен, 95 ар талэсь азьло Удмурт Элькун кылдӥз, 20 ар тырмиз Кун Кенешлы.
«Асьмелэн трос визьмо но усто адямиос лулчеберетын, гурт удысын. Тӥ но, соос кадь ик, мед быгатоды асьмелэсь шаермес данъятыны. Нош со понна кулэ умой дышетскыны, кыстӥськыны трос тодон-валан басьтыны», - вераз элькун парламентлэн Тӧроез.
Со сяна, историяя, кылъя но литературая удмурт институтлэн кивалтӥсез Алексей Загребин студентъёслы рос-прос вераз, кызьы кылдӥз Удмурт Элькун. Та сярысь ик мадизы Общественной палаталэн кивалтӥсез Александр Фоминов но писатель-историк Николай Кузнецов.