Владимир Невоструев улосвылкуспо форумысь егитъёсын пумиськиз
11.12.2015
11-тӥ толсуре «Удмурт-а мон?» улосвылкуспо форуме пыриськись егитъёсын Кун Кенешлэн Тӧроез Владимир Невоструев пумиськиз. Со Кун Кенешлэн но депутатъёслэн ужзы сярысь вераз. Со сяна, пусйиз, 2015-тӥ арын Кун Кенешлы 20 ар тырмемзэ. Озьы ик, таяз арын 175 ар ортчиз Петр Ильич Чайковский вордӥськем дырысен, 95 ар тырмиз Удмурт Элькунлы, Быдзым Атыкай ожын вормон нуналысен 70 ар ортчемын.
Элькун парламентлэн Тороез Егитъёслэн парламентсы сярысь но вераз. Владимир Невоструев куриз егитъёсты вуоно созывъёсаз пыриськыны.
Тодады вайытом, 10-тӥ но 11-тӥ толсуре «Дзержинец» лагерьын удмурт егитъёс понна «Удмурт-а мон?!» форум ортчиз. Отчы пыриськизы удмуртлыкен герӟаськем проектъёс бордын ужась егитъёс . Ужрадэ вуизы Удмуртиысь, Татарстанысь но Башкортостанысь дышетскисьёс, студентъёс, мерлыко огазеяськонъёслэн азьветлӥсьёссы но кивалтӥсьёссы.