Кун Кенешын пиналъёслы паспорт сётӥзы

Кун Кенешын 14 арессэс тырмытэм нылъёслы но пиослы паспорт сётӥзы.
Та ужрад ортче Кун Кенешысь «Единая Россия» фракция кичӧлтэмъя но пиналъёс нырысетӥ паспорт басьтэмзэс медаз вунэтэ шуыса.
Удмуртиысь сизьымдон куинь нылъёс но пиос, кудъёсыз пӧлын спортсменъёс, олимпиадаослэн вормисьёссы, нырысетӥ документзэс Кун Кенешлэн Тӧроезлэн нырысетӥ воштӥсез, Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилева киысь бастӥзы. Депутат пусйиз таӵе ужрадлэсь кулэлыксэ но вераз, паспортэн ӵош кылкутон но будоз шуыса.
Ужрад ортчем бере, пиналъёслы Кун Кенештӥ экскурсия ортчытӥзы, парламентлэн ужез сярысь веразы.