Кун Кенешын парламентаризмъя урок ортчиз
18.12.2015
18-тӥ толсуре 2015-тӥ арын Кун Кенешын Ижысь медициная кун академиысь дышетскисьёс понна парламентаризмъя урок ортчиз. Ужрадэз нуиз Кун Кенешлэн Тӧроезлэн нырысетӥ воштӥсез, Тазалыкез утёнъя, демографияя но семья ужпумъёсъя ялан ужась комиссилэн кивалтӥсез Светлана Кривилёва.
Кызьы вераз Кун Кенешлэн Тӧроез Владимир Невоструев, таӵе урокъёс шаерысьтымы ваньмысьтыз ик вузъёсысь студентъёс понна радъясько.
Со сяна, элькун парламентлэн Тӧроез 2015-тӥ арлэсь узыр луэмзэ пусйиз: Пётр Ильич Чайковскийлэн вордскем дырысеныз 175 ар тырмиз, 70 ар ортчиз Быдзым Атыкай ожын вормон дырысен, 95 ар талэсь азьло Удмурт Элькун кылдиз, 20 ар тырмиз Кун Кенешлы.
Историяя, кылъя но литературая удмурт институтлэн кивалтӥсез Алексей Загребин студентъёслы тыро-пыдо вераз, кызьы кылдӥз Удмурт Элькун. Та сярысь ик мадизы Общественной палаталэн кивалтӥсез Александр Фоминов но писатель-историк Николай Кузнецов.
Туннэ ик Кун Кенешлэн Тӧроез Владимир Невоструев но Ижысь медициная кун академилэн ректорез Николай Стрелков ӵош ужан сярысь тупанкыл гожтӥзы.