Ӝувам гуртын Совето Союзысь Геройлы Анатолий Поповлы синпелет усьтӥськиз
06.05.2015
Юкаменск ёросын Ӝувам гуртын выльдэм-тупатъям бӧрсьы сӥё-дано усьтӥзы Совето Союзысь Геройлы Анатолий Поповлы сӥзем синпелетэз. Ужрадэ пыриськиз Кун Кенешлэн Тӧроез Владимир Невоструев, Кун Кенешысь депутат Рауф Каримов, Юкаменск ёрослэн йырыз Борис Востриков.
Анатолий Попов вордскемын та ёросысь Митрошата гуртын, фронтэ кошкиз 1943-тӥ арын. Совето Союзлэн Героез ним сётэмын солы 20 аресказ 1945-тӥ арын 28-тӥ оштолэзе. Война бере со улӥз Ижкарын.
1986-тӥ арын пуктэм синпелет огпол но ӧз тупатъяськы. Со выльдэмын Кун Кенешысь депутатъёслэн Владимир Невоструевлэн но Рауф Каримовлэн кичӧлтэмзыя, избирательёслэсь куронъёссэс быдэстонлы висъяськись коньдон чотын.