Нижний Новгород улосысь Кат кылдытъясь Собраниен огкыл гожтэмын
13.05.2015
Удмурт Элькунысь Кун Кенеш но Нижний Новгород улосысь Кат кылдытъясь Собрание ӵош ужан сярысь огкыл гожтӥзы. 13-тӥ куартолэзе 2015-тӥ арын Ижкарын та ужкагаз улэ кинюртэмзэс пуктӥзы Удмуртиысь Кун Кенешлэн Тӧроез Владимир Невоструев но Нижний Новгород улосысь Кат кылдытъясь Собранилэн кивалтӥсез Евгений Лебедев.
Ӵош ужан сярысь огкыл политикаен, экономикаен, мерлыко удысэн герӟаськем ужпумъёсты валче кариськыса быдэстыны луонлык сётоз, сыӵе малпанзэ вераз Нижний Новгород улосысь Кат кылдытъясь Собранилэн кивалтӥсез. Евгений Лебедев пусъемезъя, улос парламентъёслэн юн кусыпъёссы эшшо но юнманы кулэ.