«Вашкала удмуртъёслэн гуръёссы» улосвылкуспо фестиваль Башкорстостанын ортчоз
19.06.2015Туэ «Чакара» фестиваль радъяськоз Калтасы ёросысь Бадӟым Качак гурт дорысь возь вылын. Фестивале Россиысь 13 улосъёсысь 30 пала коллективъёс пыриськозы. Озьы ик Эстониысь но куноосты возьмало. Та фестиваль 6-тӥзэ ортчоз ини Ижкарысь камсьӧр удмуртъёслэн йӧскалык огазеяськонлэн кичӧлтэмезъя. Азьвыл 5-ез ортчизы Удмуртиын, туэ нырысьсэ Башкортостанын. Чакламъёсъя празднике 3 сюрслэсь трос калык люкаськоз. Соос тодматскыны быгатозы вашкала удмурт кырӟанъёсын, эктонъёсын, дӥськутэн, сям-йылолъёсын. Туэ нырысьсэ туала удмурт кырӧанъёсты быдэстӥсьёс пӧлын конкурс ортчоз. Фестиваль улсын ик удмурт лулчеберетэз но кылэз утён ужпумъёсъя котырес ӝӧк сьӧрын кенешон радъямын луоз.