Кун Кенешын кунлыкъя урок ортчиз

18-тӥ шуркынмонэ 2015-тӥ арын Кун Кенешын кунлыкъя урок ортчиз. Уроке лыктӥзы гурт удысъя академиысь студентъёс. Пумиськонэз нуиз Элькун парламентысь наукая, дышетонъя, культурая но егитъёсын ужан политикая ялан ужась ӧрилэн тӧроез Наталья Сударикова.
Озьы ик пиналъёс азьын вераськиз Кун Кенешлэн Тӧроез, гурт удысъя академиез быдтэм выпускник, Владимир Невоструев. Со парламентариослэн ужзы сяысь вераз, элькунын быдэстэм но быдэсъяно проектъёсты пусйиз. Депутатлэн кылъёсызъя, 2015-тӥ ар туж трос дано нуналъёсын тырмемын. Кылсярысь, элькун парламентлы туэ 20 ар тырмиз, Удмурт Элькунлэн кылдэмез дырысен 95 ар ортчиз. Трос ужрадъёс сӥзизы Петр Ильич Чайковскилэн 175 арес тырмемезлы. Со сяна, Быдӟым Атыкай ожын Вормонлы 70 ар тырмиз.
Озьы ик академиысь студентъёс пумиськизы бюджетъя, вытъёсъя но коньдон ужпумъёсъя ялан ужась комиссилэн кивалтӥсеныз, гурт удысъя академилэн выпускницаеныз, Софья Широбоковаен. Со тодматӥз егитъёсты аслаз депутатской сюресэныз.
Со сяна, туннэ ик Владимир Невоструев но ИжГСХА-лэн ректорез, Кун Кенешлэн депутатэз Александр Любимов Кун Кенеш но академия вискын тупанкыл гожтӥзы. Та тупанкыл юрттоз ӵошен проектъёсты быдэсъяны.