«Единая Россия» вордскем нуналзэ пусъёз калыкен пумиськонъёс радъяса

1-тӥ толсуре «Единая Россия» партилы тырмоз 14 ар. Соин сэрен Россилэн вань улосъёсаз «Единая Россия» партилэн кивалтӥсезлэн Дмитрий Медведевлэн общественной приёмнойёсыз ужалозы.
Удмуртиын Дмитрий Медведевлэн общественной приёмноез интыяське Ижысь Октярбьлы 50 ар ульчаысь 15-тӥ юртын. 1-тӥ толсуре солэн ужез огдырлы паськыталоз. Адямиослэн юанъсызлы, сюлэмшугъяськонъёсызлы валэктон сётъялозы пӧртэм кивалтӥсьёс.
11 часыен 12 часозь Общественной приёмнойлэсь ужзэ нуоз Федерация Кенешысь кунэз утёнъя но утиськонъя комитетлэн кивалтӥсезлэн воштӥсез Александр Чекалин. Собере 1 час ӵоже калыкен ужалоз Удмуртиысь Кун Кенешлэн кивалтӥсезлэн воштӥсез Светлана Кривилёва. Берло сое воштоз Кун Кенешлэн Тӧроез Владимир Невостуев. 15 часысен адямиос вазиськыны быгатозы Федерация Кенешысь наукая, дышетонъя но лулчеберетъя комитетлэн кивалтӥсезлэн воштӥсезлы Александр Волковлы. Берпуметӥ чассэ калыклы юрттӥськоз Удмурт Правительстволэн Тӧроез Виктор Савельев.
Калыклы юрттон вылысь 1-тӥ толсуре быдэс Россиын оглом 362 инты усьтэмын, ваньзэсты соосты радъяло «Огъя Россия» партилэн кивалтӥсезлэн Дмитрий Медведевлэн улосвылъёсысь Общественной приёмнойёсыз.
Россиысь Общественной приёмнойёсы арысь аре тросгес адямиос вазисько. 2013-тӥ арын соос 120 кузя ке вал, кылем арын асьсэ куронъёсыныз вазиськиз 964 адями. 37 процентэз шуг-секытъёс сэрттэмын-пертчемын вал.