Вуоно арысен Быдӟым ож вакытэ вордӥськемъёслы коньдонэн юрттэт сётон сярысь элькун закон ужаны кутскоз

Вуоно арысен 1946-тӥ арозь вордӥськем муртъёслы коньдонэн юрттэт сётон сярысь элькун закон ужаны кутскоз. Соя толшорысен 9 сюрс пала улосчиосмы элькун бюджетысь толэзьлы быдэ юрттэт басьтыны быгатозы. 1-тӥ толсурысен ини ёросъёсысь калыклы мерлыко юрттэт сётонъя центръёсын война вакытысь нылпиос инлыкен арлыдоослэсь куриськонъёссэс возьмало. Вераны кулэ, выль капчиятонъёсты басьтӥсьёс 2 категорилы люкемын. Нырысетӥосызлы толэзьлы быдэ быдэн 500 манет тыриськоз, кыкетӥосызлы — 300 манет. 15-тӥ толсурозь вань кулэ ужкагазъёсты вуттэм муртъёс коньдонэн юрттэтэз басьтыны быгатозы ини толшорысен. Со вакытэ ик вераны кулэ, вылӥ верам аръёсы вордӥськем муртъёслэн мукет льготаоссы вань ни ке, соослы тыронъёс чакламын ӧвӧл ини. Соин ик фронт мышкын ужам инлыкез басьтэмъёслы, озьы ик ужысь ветеранъёслы но инвалидъёслы та пумысен калыклы мерлыко юрттэт сётонъя ёзэтъёсы вазиськоно ӧвӧл ни.