Удмуртилэн 2016-тӥ арлы бюджетэз кутэмын

09.12.2015 Если у Вас не отображаются буквы удмуртского шрифта, то это означает, что у Вас не установлены необходимые шрифты, которые можно скачать здесь.

8-тӥ толсуре 2015-тӥ арын Кун Кенешын 21-тӥ сессилэн кыкетӥ кенешонэз ортчиз. Депутатъёс 34 юанъёсты эскеризы. Кенешонэн кивалтӥз элькун парламентлэн Тӧроез Владимир Невоструев. Сессилэн ужаз пыриськиз Удмурт Элькунлэн Тӧроез Александр Соловьев. Нунал ӵоже парламентариос вань чаклам ужпумъёсты эскерыса вуттӥзы. 
Кылсярысь, кыкетӥ лыдӟонын кутӥзы Удмуртилэсь вуоно 2016-тӥ арлы бюджетсэ. Доход люкетэз 55, 199 миллиард манет, расход люкетэз — 59,606 миллиард. Тырмисьтэм люкетэз – 4 миллиард 406, 7 миллион манет луоз. 
Со сяна, ньыль мировой судьяосты юнматӥзы, берпуметӥ лыдӟонын кутӥзы «Удмурт Элькунлэн Тӧроез сярысь» законэз, нырысетӥ лыдӟонын депутатъёс соглаш луизы «Интыысь аскивалтон сярысь» законэ воштонъёс пыртыны. Кыкетӥ лыдӟонын парламентариос кутӥзы трос квартираен юртъёсты тупатъян сярысь элькун катэ воштӥськонъёсты. 
Со сяна, Владимир Невоструев пусйиз, черодтэк сессия 29-тӥ толсуре ортчоз шуыса. Заседание кутскоз 14.00 часын. Повесткаын одӥг гинэ юан луоз – Удмуртилэн Тӧроезлэн Александр Соловьевлэн Удмурт Элькунын югдур сярысь докладэз.