Егитъёслэн парламентсылэн куинетӥ ӧтчамез нырысетӥ сессизэ ортчытӥз

09.12.2015 Если у Вас не отображаются буквы удмуртского шрифта, то это означает, что у Вас не установлены необходимые шрифты, которые можно скачать здесь.

9-тӥ толсуре 2015-тӥ арын Кун Кенеш бордын кылдытэм Егитъёслэн парламентсылэн куинетӥ ӧтчамез нырысетӥ сессизэ ортчытӥз. Егит парламентариос асьсэлы кивалтӥсь бырйизы но азьпал ужъёссы сярысь юанъёс ӝутӥзы. 
Асьсэлы кивалтӥсь быръемлэсь азьло, ужрадэз нуиз Кун Кенешлэн Тӧроез Владимир Невоструев. Со сяна, сессилэн ужаз пыриськизы Кун Кенешлэн Тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась комиссилэн кивалтӥсез Светлана Кривилёва но Кун Кенешлэн Тӧроезлэн воштӥсез, Кун Кенешлэн бюджетъя, вытъёсъя но коньдон ужпумъёсъя ялан ужась комиссилэн кивалтӥсез Софья Широбокова, наукая, дышетонъя, культурая но егитъёсын ужан политикая ялан ужась комиссилэн кивалтӥсез Наталья Судариковано мерлыко политикая ялан ужась комиссилэн кивалтӥсез Ольга Казанцева. 
Владимир Невоструев егит парламентариосты керпотытэк ялан ужась ӧриослэсь юрттэтзэс курыны ӵектӥз. 
Повесткалэн нырысетӥ юанэз – Егитъёслэн парламентсылэсь кивалтӥсьсэ быръён луиз. Лушкем куара сётэмзы бере, Сергей Колеговез Тӧроен бырйизы. Озьы ик, лушкем куара сётыса, кивалтӥсьлэн воштӥсьёсыз но быръемын вал: Дмитрий Сюваев, Артём Школяр но Антон Жиляев. 
Туннэ ик 9 профилья комитетъёслэсь тӧрооссэс бырйизы. 
Егитъёслэн парламентсылэн вуоноез сессиез ортчоз 2016-тӥ арын толшор толэзе.