Россиын гожто этнографияя бадӟым диктант

Туннэ, 3-тӥ шуркынмонэ, Россиын этнографияя бадӟым диктантлы кутскон сётэмын. Туэ со 8-тӥзэ радъяське. 2016-тӥ арын нырысьсэ диктантлы кутскон сётӥз Удмурт шаер, нош али сое быдэс Россиын ортчытъяло. Арлы быдэ 4 миллион пала адямиос йырвизьзэс сынало.
Калыкъёслэн эшъяськон юртазы туннэ люкаськизы пӧртэм выжыысь калыкъёс, пиналъёс но, мӧйыос но. Тросэз соос пӧлысь асьсэ калык дӥсенызы пӧрмытскемын вал.
Ужрадэз усьтыса, шуныт кылъёсын вазиськизы Тӧролэн но Правительстволэн Администрациенызы кивалтӥсьлэсь ужзэ быдэсъясь Александр Журавлёв но Кун Кенешлэн Тӧроезлэн воштӥсез Татьяна Ишматова.
Пусйыны кулэ: диктантын 30 юанэз, соослы валэктон сётыны 45 минут висъяське. Этнографияя диктантэз 8-тӥ шуркынмонозь быдэстыны луоз, miretno.ru сайтэ пырыса.