Кун Кенешын ортчиз Пичи Пурга ёрослэн нуналыз
25.04.2023
Пичи Пурга ёросысь предприятиос, нимаз адямиос депутатъёсты асьсэ ужъёсынызы, поттэм вузъёсынызы тодматӥзы. Сессия пумын ёрослэн йырыз Сергей Юрин пыр-поч вераз ёрослэн кызьы азинскемез сярысь.
Ёросын ӧжыт ӧвӧл ӟеч ужась предприятиос. Кылсярысь, «Луч» огазеяськон Приволжск но Урал федерал округъёсын одӥгеныз устоеныз предприятиен лыдъяське, туала технологиосты кутыса, со пластиклэсь 100-лэсь трос арбериос поттэ. Соосты 5 кунъёсы келя ини. «Старомоньинский мясокомбинат», «Ильинское молоко» огазеяськонъёс озьы ик арысь аре вуз поттонзэс йылэто, соослэсь сӥльлэсь но йӧллэсь лэсьтэм сиёнъёссэс шаерамы улӥсьёс кемалась яратӥзы ини.
«Мукет ёросъёсын сярысь, Пичи Пурга районын улӥсез трос — 79 гуртъёсын 33 сюрс пала лыдъяське. Секыт вакытъёс шоры учкытэк, гурт калык тырше, ёрослэн экономикаез юнма, — пусйиз Сергей Юрин. — 480 мурт нимаз ужбергатӥсь кариськемын, пичи но шор бизнесэн выре 134 предприятие, отын ужасьёслэн лыдзы берло аръёсы 3 процентлы йылӥз. Шоро-куспо уждун районын 36 сюрс манет котыр, ар куспын гинэ ог 13 процентлы йылӥз».
Ёросын азинске лэсьтӥськон удыс, кылсярысь, усьтэмын 7 фельдшер-акушер пунктъёс, Норъя черкогуртын кылдӥз бадӟым стадион, Уром черкогуртын выльдэмын культурая юрт, та вакытэ бадӟым лэсьтӥськон мынэ Аксакшурын, дышетонъя но шутэтсконъя центр ар пумозь дась луыны кулэ.
«Нимаз адямиос но мыло-кыдо пуктӥсько, — пусйиз Сергей Юрин. — Кылем арын, кылсярысь, 207 выль корка ӝутэмын, оглом со 23 сюрс квадрат метр мында луиз. Нош 5 ар ӵоже 74 квадрат метр улон интыос ӝутэмын. Шуыны луэ: арлы быдэ быдэс гурт пуктӥськом!»
Ёросын ӧжыт ӧвӧл ӟеч ужась предприятиос. Кылсярысь, «Луч» огазеяськон Приволжск но Урал федерал округъёсын одӥгеныз устоеныз предприятиен лыдъяське, туала технологиосты кутыса, со пластиклэсь 100-лэсь трос арбериос поттэ. Соосты 5 кунъёсы келя ини. «Старомоньинский мясокомбинат», «Ильинское молоко» огазеяськонъёс озьы ик арысь аре вуз поттонзэс йылэто, соослэсь сӥльлэсь но йӧллэсь лэсьтэм сиёнъёссэс шаерамы улӥсьёс кемалась яратӥзы ини.
«Мукет ёросъёсын сярысь, Пичи Пурга районын улӥсез трос — 79 гуртъёсын 33 сюрс пала лыдъяське. Секыт вакытъёс шоры учкытэк, гурт калык тырше, ёрослэн экономикаез юнма, — пусйиз Сергей Юрин. — 480 мурт нимаз ужбергатӥсь кариськемын, пичи но шор бизнесэн выре 134 предприятие, отын ужасьёслэн лыдзы берло аръёсы 3 процентлы йылӥз. Шоро-куспо уждун районын 36 сюрс манет котыр, ар куспын гинэ ог 13 процентлы йылӥз».
Ёросын азинске лэсьтӥськон удыс, кылсярысь, усьтэмын 7 фельдшер-акушер пунктъёс, Норъя черкогуртын кылдӥз бадӟым стадион, Уром черкогуртын выльдэмын культурая юрт, та вакытэ бадӟым лэсьтӥськон мынэ Аксакшурын, дышетонъя но шутэтсконъя центр ар пумозь дась луыны кулэ.
«Нимаз адямиос но мыло-кыдо пуктӥсько, — пусйиз Сергей Юрин. — Кылем арын, кылсярысь, 207 выль корка ӝутэмын, оглом со 23 сюрс квадрат метр мында луиз. Нош 5 ар ӵоже 74 квадрат метр улон интыос ӝутэмын. Шуыны луэ: арлы быдэ быдэс гурт пуктӥськом!»