Кун Кенешын ортчиз Удмурт аграрной кун университетлэн нуналыз

Кун Кенешын ортчиз Удмурт аграрной кун университетлэн нуналыз. Студентъёс элькун парламентысь ялан ужась комиссиослэн кивалтӥсьёсынызы пумиськизы, наукаен выременызы тодматӥзы. Вормонъёссы зэмен ик паймымонэсь: пӧртэм пумо сыр пӧзьто, выль амалэн чечы кыско, выль кидыслэсь будэтэм нянь пыжо, пудо эмъянын кутӥськись биопрепаратъёс лэсьто, инкуазьын сылмись упаковкаос лэсьто, 3D принтерен мыльым пыжо. Адӟем сяна, поттэм сиён-юонзэс оскалтыны но кылдӥз. Возьматонэ туж ӧжытэз ай поттэмын. Бусыосын, гидъёсын, заводъёсын, гаражъёсын студентъёс, аспирантъёс олокыӵе но эскеронъёс ортчытъяло, урожаез, йӧл поттонэз, сиён лэсьтонэз йылтыны юртто. Унозэ эскеронъёсты ортчыто Вотка ёросысь «Ижагроплем» предприятилэн учхозаз: татын 1 сюрс 500 йыр пудо, ог 5 сюрс гектар музъем. Таӵе ӟеч базаен ваньмыз аграрной университетъёс ушъяськыны уг быгато, шуэ ректор Андрей Брацихин. Пленарной заседаниез усьтыкуз, Кун Кенешлэн Тӧроез Владимир Невоструев пусйиз: «Студентъёслэн но дышетӥсьёслэн вормонъёссы таӵе ӟечесь бере, озьыен, гурт удысэз азинтыны вань кинлы. Туннэ гуртоослы шаерамы бадӟым саклык висъяське. АПК-ын ог 40 сюрс адями тырше, шаерысьтымы ужась калык пӧлысь со 9 процентэз луэ. 82 улосэ асьме дорын поттэм сиён-юонэз келяськомы. Со университетлэн умой кадръёсты дасямезлэн но емышез. Туннэ университетын 30 ӧръя специалистъёсты дасяло. Арлы быдэ 1 сюрс 300 специалистъёсты поттэ. Уноез гурт хозяйствоосты ӝутыны юртто».
Пленарной заседание дыръя Кун Кенеш но университет куспын валче ужанъя соглашение кутэмын вал.