Владимир Невоструев кунмес утисьёслэн нуналэныз ӟечкылаз

Удмурт Элькунысь Кун Кенешлэн Тӧроез Владимир Невоструев шаерамы улӥсьёсты кунмес утисьёслэн нуналэнызы ӟечкылаз.
«Та нуналэ асьмеос гажан кылъёсмес вераськомы ваньмызлы, кин Родинамылэсь кунгожъёссэ, музъемъёссэ, ассэ жалятэк, уте, кин аслаз нуналмысь ужаменыз Россилэсь кужымзэ юнматэ.
Атыкай музъеммылэн трос дауръем историез, калыклэн ужысь но ожысь подвигъёсыз, песятайёсмылэн кышкасьтэм луэмзы асьмемыз бурдъяло выль ужъёслы, элькунмы но странамы чебергес но юнгес мед луозы, кужмо кунамы тупаса мед уломы шуыса.
Удмуртия трос лэсьтэ Россиез кышкытлыклэсь утён, солэсь обороназэ юнматон понна. Али воргоронъёсмы тупаса улонэз но вордӥськем музъеммылэсь эриксэ утё нимысьтыз военной операциын. Асьмеос но котькудӥз ас ужан интыяз ваньзэ лэсьтэ, кунмылэн экономикаез эшшо но мед ӝутскоз шуыса. Ӵош луон бордын — Россиын улӥсьёслэн кужымзы.
Родинамес али утисьёслы, ветеранъёслы, ваньмызлы, кин уженыз улонмес ӟечгес каре, вань сюлмысьтым сӥзисько юн тазалык, шудбур, тупаса улон.
Выль вормонъёс басьтом, малпанъёсмес быдэстом, яратоно элькунмы но быдӟым Россия мед сяськаялозы шуыса!» - пусъемын ӟечкыланын.