«Единая Россия» партие пырись депутатъёс спецоперациысь военнойёслы юрттэт сётонзэс азинто
06.03.2023
Активистъёс но «Единая Россия» партие пырись депутатъёс спецоперациысь военнойёслы юрттэт сётонзэс азинто. Гуманитарной юрттэтэз люкан борды мылысь-кыдысь басьтӥськизы Кун Думаысь депутат Олег Гарин, сенатор Юрий Федоров, Кун Кенешысь депутатъёс Сергей Сидоров, Алексей Малюк, Виктор Дьяков.
Кызьы пусйиз «Единая Россия» партилэн Удмурт ёзэзлэн Политсоветэзлэн президиумезлэн ёзчиез Андрей Тимофеев, люкамын но келямын 400 тонналэсь ятыр гуманитарной юрттэт.
«Тужгес но секыт радъяны логистикаез — со юрттэтэз вуттон сюресъёсты бырйыны. Но та учырын но юрттӥсьёс шедё, та ласянь юрттэ Россиысь ДОСААФ огазеяськон. Юртто ужбергатӥсьёс но, активистъёс но, нимаз адямиос но. Кун Кенешысь депутатъёс Сергей Сидоров, Виктор Дьяков асьсэос но огпол гинэ ӧз вуылэ ни спецоперациысь военнойёсмы дӥне. Кун Думаысь депутат Олег Гарин юрттэтсэ висъя Луганск но Донецк улосъёсысь объектъёсты тупатъянлы. Гуманитарной юрттэт люканы юрттэ сенатор Юрий Фёдоров но. Сиён-юон сяна, келямын маскировочной сетьёс, лэсьтӥськон арбериос, инструментъёс но уно мукетыз. Палэнэ уг кылё «Огъя Россия» партилэн «ПоддЕРжка» проектаз пыриськись волонтёръёс но. Соос но юрттэт люкан понна сюлмасько. «Егит гвардия» огазеяськонэ пырисьёс асьме военнойёсмес дышето беспилотникъёсты (БПЛА) уже кутыны. Военнойёсмылы кулэ квадрокоптеръёс, беспилотникъёс, связья аппаратъёс, радиостанциос, тепловизоръёс, ретрансляторъёс. Соосты люкам гуманитарной грузэн келяськомы. Боецъёс Атыкай музъеммес утён понна сюлмасько, соослы асьмелы но котыр ласянь юрттэт сётоно», - шуиз Андрей Тимофеев.
Кызьы пусйиз «Единая Россия» партилэн Удмурт ёзэзлэн Политсоветэзлэн президиумезлэн ёзчиез Андрей Тимофеев, люкамын но келямын 400 тонналэсь ятыр гуманитарной юрттэт.
«Тужгес но секыт радъяны логистикаез — со юрттэтэз вуттон сюресъёсты бырйыны. Но та учырын но юрттӥсьёс шедё, та ласянь юрттэ Россиысь ДОСААФ огазеяськон. Юртто ужбергатӥсьёс но, активистъёс но, нимаз адямиос но. Кун Кенешысь депутатъёс Сергей Сидоров, Виктор Дьяков асьсэос но огпол гинэ ӧз вуылэ ни спецоперациысь военнойёсмы дӥне. Кун Думаысь депутат Олег Гарин юрттэтсэ висъя Луганск но Донецк улосъёсысь объектъёсты тупатъянлы. Гуманитарной юрттэт люканы юрттэ сенатор Юрий Фёдоров но. Сиён-юон сяна, келямын маскировочной сетьёс, лэсьтӥськон арбериос, инструментъёс но уно мукетыз. Палэнэ уг кылё «Огъя Россия» партилэн «ПоддЕРжка» проектаз пыриськись волонтёръёс но. Соос но юрттэт люкан понна сюлмасько. «Егит гвардия» огазеяськонэ пырисьёс асьме военнойёсмес дышето беспилотникъёсты (БПЛА) уже кутыны. Военнойёсмылы кулэ квадрокоптеръёс, беспилотникъёс, связья аппаратъёс, радиостанциос, тепловизоръёс, ретрансляторъёс. Соосты люкам гуманитарной грузэн келяськомы. Боецъёс Атыкай музъеммес утён понна сюлмасько, соослы асьмелы но котыр ласянь юрттэт сётоно», - шуиз Андрей Тимофеев.