Ижкарын ортчиз Приволжск федерал округысь закон кылдытъясь ёзъёслэн ассоциацизылэн 67-тӥ кенешонэз
15.03.2023
Солэн ужаз пыриськизы Президентлэн Приволжск федерал округъя оскем муртэз Игорь Комаров, Удмуртилэн Тӧроез Александр Бречалов, Кун Кенешлэн Тӧроез Владимир Невоструев но ПФО-ысь парламентъёслэн тӧрооссы.
Кенешонын ӝутэм валтӥсез ужпум — вылӥ технологиосын ужась предприятиослы кадръёс дасян. Россилы пумит кутэм санкциосын валче та сюлмаськон уката лэчыт луиз. Уго ӟеч специалистъёс гинэ быгатозы Россиез азинтыны, производствоез ӝужытгес тубатэ пуктыны.
Ужрад Ижкарын ортче шуыса, паймоно ӧвӧл. Уго Удмуртиын 250-лэсь трос бадӟым но шоро-куспо предприятиос. Соос пӧлысь 60-эз оборона понна ужало. Удмуртиысь заводъёсын потто 95 процентсэ пыӵал тӥрлыкез, космосэ одӥг ракета но уг лобы шаерамы поттэм ёзъёстэк.
— 145 сюрс адями тырше Удмуртиысь оборонно-промышленной комплексын. Озьы ке но ужась киосты отын котьку возьмало — 15 сюрс вакансия вань. Заводъёслы кулэ токарьёс но, слесарьёс но, ЧПУ станокъёслы операторъёс но. Уг окмо инженер-технологъёс, конструкторъёс, мастеръёс. Ужасьёсты возьмало Ижысь «Калашников» концерн, Воткаысь машиностроительной завод, Сарапулысь электрогенератор поттӥсь предприятие, — вераз Удмуртилэн Тӧроез Александр Бречалов.
Нош экономикаез азинтон понна кулэ зол но ӟеч ужасьёс. Президент Владимир Путин Федерал Кенешлы вазиськоназ пусйиз: матысь 5 ар ӵоже миллион мында ужась профессиосъя спрециалистъёсты дасяно.
Со сяна, кенешонын ӝутӥзы юридической юрттэт сётон, СВО-е пыриськисьёслэн но ожъёсын быремъёслэн семьяоссылы нимаз юрттэт висъян пумысен ужпумъёсты.
Кенешонын ӝутэм валтӥсез ужпум — вылӥ технологиосын ужась предприятиослы кадръёс дасян. Россилы пумит кутэм санкциосын валче та сюлмаськон уката лэчыт луиз. Уго ӟеч специалистъёс гинэ быгатозы Россиез азинтыны, производствоез ӝужытгес тубатэ пуктыны.
Ужрад Ижкарын ортче шуыса, паймоно ӧвӧл. Уго Удмуртиын 250-лэсь трос бадӟым но шоро-куспо предприятиос. Соос пӧлысь 60-эз оборона понна ужало. Удмуртиысь заводъёсын потто 95 процентсэ пыӵал тӥрлыкез, космосэ одӥг ракета но уг лобы шаерамы поттэм ёзъёстэк.
— 145 сюрс адями тырше Удмуртиысь оборонно-промышленной комплексын. Озьы ке но ужась киосты отын котьку возьмало — 15 сюрс вакансия вань. Заводъёслы кулэ токарьёс но, слесарьёс но, ЧПУ станокъёслы операторъёс но. Уг окмо инженер-технологъёс, конструкторъёс, мастеръёс. Ужасьёсты возьмало Ижысь «Калашников» концерн, Воткаысь машиностроительной завод, Сарапулысь электрогенератор поттӥсь предприятие, — вераз Удмуртилэн Тӧроез Александр Бречалов.
Нош экономикаез азинтон понна кулэ зол но ӟеч ужасьёс. Президент Владимир Путин Федерал Кенешлы вазиськоназ пусйиз: матысь 5 ар ӵоже миллион мында ужась профессиосъя спрециалистъёсты дасяно.
Со сяна, кенешонын ӝутӥзы юридической юрттэт сётон, СВО-е пыриськисьёслэн но ожъёсын быремъёслэн семьяоссылы нимаз юрттэт висъян пумысен ужпумъёсты.